ᑎᑎᕋᖅᑐᖅ ᑎᐊᔅ ᓵᑐᓚᓐ, ᓄᓇᓕᖕᓄᑦ ᐊᐅᓚᖃᑦᑕᖅᑐᓄᑦ ᐊᐅᓚᑦᑎᔨ, Ampere-ᑯᓐᓂᑦ
ᑖᓐᓇ Old Crow, ᔫᑳᓐ ᐅᖓᓯᓛᖒᕗᖅ ᐅᑭᐅᖅᑕᖅᑐᒥᑦ ᐊᒻᒪ ᖃᖓᑕᓯᐅᖃᖅᐸᒃᑐᑑᓪᓗᓂ ᔫᑳᓐᒥᑦ.
ᓄᓇᓕᒃ ᐃᓂᖃᖅᐳᖅ ᑕᓕᕆᔭᖓᓂᑦ Porcupine−ᖑᔫᑉ ᑰᖓᓂᑦ ᑲᑎᓯᒪᔪᖅ ᑖᔅᓱᒧᖓ Crow−ᖑᔪᒧᑦ ᑰᖓᓄᑦ ᐊᒻᒪ ᓄᓇᓕᒋᔭᐅᓪᓗᓂ ᕗᓐᑐᑦ ᒍᐃᑦᔅ ᓄᓇᖃᖅᑳᖅᓯᒪᔪᓂᑦ (“ᐃᓄᐃᑦ ᑰᖕᓂᑦ”). ᐃᕐᓂᐅᕐᕕᐅᕙᒃᑐᖅ ᐃᓂᐅᔪᖅ ᑕᕝᕙᓂ Porcupine ᑐᒃᑐᐃᑦ ᖃᓂᒋᔮᓃᑉᐳᖅ ᖃᓕᕈᓯᕐᓂᑦ ᐊᒻᒪ ᖃᖅᑲᓂᑦ. ᑖᒃᑯᐊ ᑐᒃᑐᐃᑦ , ᐅᓄᖅᓯᕙᓪᓕᐊᓪᓗᑎᑦ ᐃᖏᕐᕋᔪᑦ 218,000 ᑐᒃᑐᐃᑦ, ᑐᒃᑐᑐᐊᖑᕗᑦ ᑕᕝᕙᓂ ᐊᒥᐊᓕᒐᐃᑦ ᐅᐊᖕᓇᖓᓂᑦ ᐅᓄᕐᓂᖏᑦ ᐅᓄᕐᓂᖅᓴᐅᓕᖅᐳᑦ ᐊᕐᕌᒍᒐᓴᖕᓂᑦ ᐊᑐᖅᑐᓂᑦ ᓇᓗᓇᐃᖅᑕᐅᓯᒪᔪᓂᑦ. ᑕᖅᑭᐅᓚᐅᖅᑐᒥᑦ ᓄᓇᓕᖕᓂᑦ ᐃᓕᓐᓂᐊᕐᕕᒃ ᐃᓕᓐᓂᐊᖅᑐᓕᒫᓂᑦ ᐊᐅᓐᓚᕈᔾᔨᓚᐅᖅᐳᑦ ᐅᓪᓗᓄᑦ ᑎᓴᒪᓄᑦ ᑐᒃᑐᕙᒐᓱᒋᐊᖅᖢᑎᒃ ᑭᓯᐊᓂ ᒫᓐᓇ ᑕᒪᑐᒪᓂ ᐊᕐᕌᒍᒥᑦ ᐱᓱᖕᓂᐊᓕᕆᕗᑦ ᓄᓇᓕᒃᑎᒍᑦ.
ᑕᐃᒪᓕ ᑖᓐᓇ ᓄᓇᓕᖕᓄᑦ ᐃᓕᓐᓂᐊᖅᑎᑦᑎᓂᖅ ᑕᐅᑦᑐᕆᔭᖓ ᖃᓄᐃᑦᑑᕙ?
ᑕᐅᑦᑐᖃᖅᑰᔨᕗᖅ ᓲᕐᓗ ᑭᒃᑯᓕᒫᓄᑦ ᐅᖃᓪᓚᒡᓗᓂ − ᓲᕐᓗ ᐃᓄᐃᑦ ᐃᒃᓯᕚᖅᑐᑦ ᓴᓂᖕᓂᑦ ᖃᖓᑕᓲᒥᑦ, ᓂᕿᓂᑦ ᓂᐅᕕᕋᓱᒃᑎᓐᓗᑎᑦ ᐅᑕᖅᑭᖃᑎᒋᔭᐃᑦ ᑯᐊᐸᒃᑯᓐᓂᑦ, ᐅᕝᕙᓘᓐᓃᑦ ᐱᓱᒃᑎᓐᓄᑎᑦ ᐹᖅᑕᑎᑦ ᐃᓄᐃᑦ ᓄᓇᓕᖕᒥᑦ. ᑕᑯᑳᓪᓚᒡᓗᓂ ᑕᕝᕙᓂ Old Crow-ᒥᑦ ᐃᓕᓐᓂᐊᕐᕕᐅᑉ ᐊᖓᔪᖅᑳᖓᓂᑦ ᑕᐃᑲᓂ Whitehorse−ᒥᑦ (ᔫᑳᓐᓂᒥᑦ ᓄᓇᓖᑦ ᑐᖅᑲᖅᑕᕐᕕᐊᓄᑦ) ᒥᑦᑕᕐᕕᖕᒥᑦ ᐊᒻᒪ ᐅᖃᐅᓯᖃᕐᓗᓂ ᐊᑐᕈᑎᐅᔪᓐᓇᖅᑐᓂᑦ ᐋᖅᑭᒍᑎᓂᑦ ᐃᓕᓐᓂᐊᖅᑎᖁᑎᖏᑦ ᐊᑐᖅᐸᒃᑕᖓᓂᑦ ᑖᔅᓱᒥᖓ STEAM ᐃᓕᓐᓂᐊᖅᑕᐅᓂᕆᔭᖓᓂᑦ. ᖃᐅᔨᓴᖅᑐᓕᐱᓂᕐᒧᑦ ᐃᓕᓐᓂᐊᕐᕕᐊᕈᓯᖃᖅᖢᓂ ᑭᓯᐊᓂ ᖃᐅᔨᓴᖅᑐᓕᕆᓂᕐᒧᑦ ᐃᓕᓴᐃᔨᖃᖏᖦᖢᓂ. ᓱᓕᒃᑲᓐᓂᖅ ᐱᓪᓚᑦᑖᖑᖅᖂᔨᓕᐅᕈᑎ ᑕᕐᕋᓕᐅᕈᑎ ᐊᒻᒪ ᐃᓕᓐᓂᐊᕐᓂᕐᒧᑦ ᐊᑐᕈᑏᑦ ᐊᔪᖏᓐᓂᖃᕋᓱᒋᖏᑦᑐ ᐃᓕᓐᓂᐊᖅᑎᑦᑎᔭᕆᐊᒃᓴᖅ.
ᓲᑉᓗ ᓄᓇᒦᓪᓗᓂ ᓲᖃᐃᒻᒪ ᓄᓇ ᐱᖅᑯᓯᐅᖕᒪᑦ. ᐊᖏᖅᓯᒪᓗᓂ ᐃᖏᕐᕋᓂᕐᓂᑦ ᑕᕝᕙᓂ Crow ᖃᖅᑲᖏᓐᓂᑦ ᑕᑯᓗᓂᓗ ᐅᓄᖅᑐᐊᓗᖕᓂᑦ ᓇᐹᖅᑐᓂᑦ ᓄᓇᓗ ᑐᑦᑑᑉ ᓂᕿᖏᓪᓂᑦ ᑎᖓᐅᔭᓂᑦ ᑐᒃᑐᐃᑦ ᐱᓱᒡᕕᒋᕙᒃᑕᖏᓐᓂᑦ. ᐅᓄᖅᑐᐃᖅᓱᖅᖢᓂ ᐱᓱᖕᓃᑦ ᓄᓇᓕᖕᓂᑦ ᐊᒻᒪ ᑕᐃᑲᓃᑐᐃᓐᓇᖏᓪᓗᓂ ᓲᖃᐃᒻᒪ ᐊᒃᖤᐃᑦ ᐃᕐᓂᐅᕐᕕᒋᖕᒪᒍ ᓇᐹᖅᑐᓕᖕᒥᑦ. ᑰᖕᓃᓐᓇᖅᓯᕗᖅ ᑰᒃᐸᓚᑦᑎᔪᑦ ᑐᓵᓗᒋᑦ ᓯᑯᕙᓪᓕᐊᓂᖓ ᐊᒃᑐᖅᐸᓚᑦᑎᕙᒡᓗᓂ ᓯᒡᔭᒧᑦ. ᑐᑭᖃᖅᐳᖅ ᐅᖃᖃᑎᖃᕐᓂᕐᒥᑦ ᑲᓚᓂᕐᒥᑦ ᐊᒻᒪ ᐃᓱᒪᒃᓴᖅᓯᐅᕐᓗᓂ ᓄᓇᒥᑦ ᐃᒪᒻᓱᐃᓪᓗ ᑕᐅᑐᒃᑕᑎᑦ, ᑕᑯᔭᓕᒫᕐᓄᑦ.
ᓲᕐᓗ ᐱᓕᕆᐊᔭᑦ ᓄᓇᓕᖕᒨᖅᑎᓐᓗᒍ ᐱᓕᕆᐊᒃᓴᕆᑎᑕᑦ. ᓄᓇᕗᒻᒥᑦ ᐃᓕᓐᓂᐊᖅᑎᑦᑎᕙᒃᐳᒍᑦ ᐊᑐᖅᖢᑕ ᖃᕆᓴᐅᔭᓕᕆᔾᔪᑎᒥᑦ ᖃᐅᒪᔪᒧᑦ ᐊᐅᓚᔪᓐᓇᖅᑐᒥᑦ ᐊᒻᒪ ᐅᖃᐅᓯᖃᖅᖢᑕ ᖃᓄᖅ ᐅᑭᐅᖅᑕᖅᑐᒥᑦ ᑕᕆᐅᖅ ᑲᑎᑦᑎᔪᓐᓇᕐᒪᑦ ᓯᕿᓂᕐᒥᖔᖅᑐᒥᑦ ᐱᔪᓐᓇᕌᖓᑕ ᓲᖃᐃᒻᒪ ᐊᕐᕌᒎᑉ ᓇᑉᐸᖓᓂᑦ ᓯᑰᑉ ᐊᑖᓃᓐᓂᐊᕐᒪᑕ ᖃᐅᒪᓂᖃᖏᑦᑐᒥᑦ.
ᒫᓂ Old Crow-ᒥ, ᐱᓱᔪᓚᐅᖅᐳᒍᑦ ᑰᑉ ᓯᓈᒍᑦ ᑕᑯᔭᖅᑐᖅᖢᑕ ᐊᕚᓚᕿᐊᑦ ᐱᕈᑦᑎᐊᕐᓂᖏᓐᓂᒃ, ᑕᒪᓐᓇᓗ ᑕᐅᑐᒐᖃᓪᓗᐊᑕᖅᖢᓂ ᒥᑭᑦᑐᑯᓗᖕᓂᒃ ᐊᔪᕈᓐᓃᖅᓴᒐᒃᓴᓂᒃ. ᓯᓚ ᐊᓯᔾᔨᖅᐸᓪᓕᐊᑎᓪᓗᒍ, ᑰᑦ ᖁᐊᖑᐃᓐᓇᐅᔭᖅᑐᑦ ᓄᓇᒦᑦᑐᑦ ᓲᕐᓗ Old Crow-ᒥ ᓂᕆᐅᒋᔭᐅᕗᑦ ᓴᖑᓂᐊᕐᓂᖏᓐᓂᒃ ᐊᓯᔾᔨᖅᐸᓪᓕᐊᓗᑎᒡᓗ ᖁᐊᖑᐃᓐᓇᐅᔭᖅᑐᑦ ᓄᓇᖏᑦ ᐊᐅᒃᐸᓪᓕᐊᓕᖅᐸᑕ ᓱᕋᒃᐸᓪᓕᐊᓗᑎᒡᓗ, ᐊᖏᔪᒻᒪᕆᖕᒥᒃ ᐊᒃᑐᖅᓯᓂᖃᕈᓐᓇᖅᖢᓂ ᑕᐅᓄᙵ ᓄᓇᐅᑉ ᓇᔪᒐᖃᕐᕕᖓᓄᑦ. ᑕᐃᒪᐃᒃᑲᓗᐊᖅᑎᓪᓗᒍ, ᐱᕈᖅᓯᐊᑦ ᓲᕐᓗ ᐊᕚᓚᕿᐊᑦ ᐊᖏᒡᓕᕚᓪᓕᖅᓯᒪᕗᑦ, ᐱᕈᖅᐸᓪᓕᐊᓪᓗᑎᒃ ᐊᖏᒡᓕᕙᓪᓕᐊᓪᓗᑎᒡᓗ ᓄᑖᓂ ᐃᓂᓂ. ᑕᒪᓐᓇ ᖃᓄᐃᓐᓂᐅᔪᖅ, ᖃᐅᔨᒪᔭᐅᔪᖅ ᐅᑭᐅᖅᑕᖅᑐᒥ ᐱᕈᖅᓯᕙᓪᓕᐊᓂᖅ, ᐃᑲᔪᖅᐸᒃᐳᖅ ᓴᙱᒃᑎᒋᐊᖅᑎᑦᑎᓪᓗᓂ ᑰᖕᓂ ᐊᒻᒪ ᓄᖑᑉᐸᓪᓕᐊᑎᑦᑎᑦᑕᐃᓕᒪᓪᓗᓂ. ᐃᓕᑦᑎᔾᔪᑕᐅᔪᖅ ᐅᕙᓂ ᓇᓗᓇᐃᖅᓯᕗᖅ ᐱᐅᔪᒻᒪᕆᖕᒥᒃ ᐊᓐᓇᒍᓐᓇᕐᓂᖓᓂᒃ ᓄᓇᐅᑉ.
ᐃᒪᓐᓇᐅᖅᑰᔨᕙᒃᐳᖅ ᐋᖅᑭᒃᓱᐃᖃᑎᒌᒃᖢᑕ ᑕᒪᐃᓐᓂᑦᑎᐊᖅ ᐊᔪᕈᓐᓃᖅᓴᒐᒃᓴᓂᒃ ᖃᖓᓕᒫᑦᑎᐊᖅ. ᑕᒪᓐᓇ ᑐᑭᖃᖅᐳᖅ ᐋᖅᑭᒋᐊᖅᓯᓂᕐᒥᒃ ᐊᔪᕈᓐᓃᖅᓴᒐᒃᓴᓂᒃ ᑕᕝᕙᙵᑲᐅᑎᒋ ᑐᙵᕕᖃᖅᑎᑕᐅᓗᑎᒃ ᑭᓱᑦ ᑲᔪᓯᓂᖃᑦᑎᐊᕐᒪᖔᑕ ᑭᓱᓪᓗ ᐃᓕᓐᓂᐊᕐᕕᐊᕈᓯᕐᒦᙱᒻᒪᖔᑕ. ᐃᑲᕐᕋᒐᓴᖕᓂᒃ ᐱᕙᒌᔭᐃᔭᕆᐊᖃᓲᖑᖕᒥᔪᑦ ᐃᓕᓐᓂᐊᕐᓇᑦ ᐊᑯᓐᓂᖏᓐᓂ ᐃᓕᓐᓂᐊᖅᑕᐅᔪᒃᓴᑦ ᐃᖏᕐᕋᑦᑎᐊᕋᓗᐊᕐᒪᖔᑕ, ᐱᓗᐊᖅᑐᒥ ᐃᓕᓐᓂᐊᖅᑎᓕᒫᑦ ᐃᓕᓐᓂᐊᕐᕕᖕᒥ ᐱᖓᓱᐃᖅᓱᖅᖢᑕ ᐃᓕᓴᐃᔪᓐᓇᓚᐅᕋᑦᑕ!
ᑐᑭᖃᖅᐳᖅ 9-ᓂᒃ ᐅᑭᐅᓕᒃ ᐅᖃᕈᓂ ᐃᓕᑦᑎᔪᒪᓪᓚᕆᖕᓂᕋᕐᓗᓂ ᖃᓄᖅ ᓇᕿᑦᑕᐅᑎ ᐊᐅᓚᓲᖑᖕᒪᖔᑦ, ᐊᓯᔾᔨᕐᓗᒍ ᓇᓗᓇᐃᒃᑯᑖ ᐊᒻᒪ ᑭᖑᓪᓕᕐᒥ ᐃᓕᓐᓂᐊᒐᒃᓴᑦ ᐃᓚᓕᐅᑎᓗᒋᑦ ᓇᕿᑦᑕᒐᐃᑦ. ᑐᑭᖃᕆᕗᖅ ᖃᐅᔨᒋᐊᕐᕕᖃᕐᓂᕐᒥᒃ ᐃᓕᓴᐃᔨᓂᒃ ᐃᓕᓐᓂᐊᖅᑎᓂᒡᓗ ᖃᓄᖅ ᑕᒪᒃᑯᐊ ᐊᔪᕈᓐᓃᖅᓴᒐᒃᓴᐃᑦ ᑲᔪᓯᕙᓪᓕᐊᖕᒪᖔᑕ ᐃᓚᓕᐅᑎᓗᒋᓪᓗ ᐅᖃᐅᓯᕆᔭᖏᑦ. ᐊᑐᙱᖔᕐᓗᑎᒃ ᓂᐱᖅᑯᖅᑐᔪᓂᒃ ᖁᕝᕙᓯᖕᓂᓕᖕᓄᑦ 6-ᒥᑦ 8-ᒧᑦ ᐃᓕᓐᓂᐊᕐᕕᐊᕈᓯᕐᓂ ᓂᐱᖓ ᐱᐅᒋᙱᒻᒪᔾᔪᒃ, ᐅᕝᕙᓘᓐᓃᑦ ᐅᔾᔨᕐᓇᖅᓯᑎᑦᑎᒃᑲᓐᓂᕐᓂᖅ ᑖᔅᓱᒥᖓᔅᓴᐃᓐᓇᖅ ᐱᓕᕆᐊᒃᓴᒥᒃ ᖁᑦᑎᖕᓂᓕᖕᓂ 9-ᒥ 12-ᒧᑦ ᐃᓕᓐᓂᐊᕐᕕᐊᕈᓯᕐᓂ ᒪᕐᕉᒃ ᐃᓕᓐᓂᐊᖅᑏᒃ ᐅᖃᖅᐸᒃᐴᒃ, "ᑕᒪᓐᓇ ᐱᐅᔪᒻᒪᕆᐅᓚᐅᖅᐳᖅ."
ᑕᐃᒪᓐᓇᐅᔭᕌᖓᕕᑦ, ᐃᓕᓴᐃᔨᐅᑉ ᐅᖃᐅᑎᔭᕌᖓᑎᑦ ᐃᓕᓐᓂᐊᖅᑎᐅᑉ ᐃᓚᖓ ᐊᓂᒍᐃᓂᖓᓂᑦ ᑭᓱᒥᑭᐊᖅ ᑖᓐᓇ ᐃᓕᓐᓂᐊᖅᑎ ᐊᓂᒍᐃᔾᔮᕋᓱᒋᖏᖦᖢᑎᒃ, “ᐃᒪᐃᓕᓐᓇᖅᐳᖅ ‘ᐊᕼᐋ' ᐅᕙᓐᓄᑦ ᐊᒻᒪ ᑖᔅᓱᒧᖓ!”
ᐃᓕᓐᓂᐊᖅᑏᑦ ᖃᐅᔨᒪᔭᐅᑦᑎᐊᖅᑐᑦ ᐱᐅᓗᐊᖅᑐᑦ ᐃᓕᓐᓂᐊᕐᕕᖕᒧᑦ ᖁᑦᑎᖕᓂᓖᑦ 6-ᒥᑦ 8-ᒧᑦ ᐅᖃᖅᐸᒃᐳᑦ ᐃᒪᓐᓇ, "ᐅᐊᑦᑎᐊᕈᐃ, ᐊᓕᐊᓇᐃᑦ," ᐊᒻᒪᓗ "ᑕᒪᓐᓇ ᖁᕕᐊᓇᒻᒪᕆᒃᑐᖅ!" ᑕᐃᒪᐃᒃᑲᓗᐊᖅᑎᓪᓗᒍ, ᓄᑲᖅᖡᑦ ᐃᓕᓐᓂᐊᖅᑏᑦ ᖁᑦᑎᖕᓂᓖᑦ 1-ᒥᑦ 3-ᒧᑦ ᐊᐱᕆᖃᑦᑕᐅᑎᕙᒃᐳᑦ ᖃᓄᖅ ᓇᐃᓴᐅᓯᖅᓯᓇᔭᕐᒪᖔᑕ ᐱᓕᕆᐊᒃᓴᒥᒃ 10-ᓂᑦ, ᐱᖃᑖ ᐅᖃᖅᖢᓂ, "8.5-ᖑᕗᖅ," ᐱᖃᑖᓗ ᐅᖃᖅᖢᓂ, "ᐅᕙᓐᓄᑦ? 10−ᓂᑦ 10−ᓂᑦ."
ᓲᕐᓗ ᓄᓇᓕᖕᒧᑦ ᐃᓚᒋᔭᐅᓪᓗᓂ ᓴᓇᓂᕐᒧᑐᐃᓐᓇᐅᖏᑦᑐᖅ ᑕᒫᐅᓐᖓᖅᑎᑦᑎᕗᖅ.
ᐃᑲᔫᑎᕗᖅ ᐃᓕᓐᓂᐊᓕᓵᖅᑐᓄᑦ ᐸᕐᓇᒡᓗᓂ ᐊᓃᕋᔭᖕᓂᕐᒧᑦ, ᐊᒻᒪ ᐃᒃᐱᒍᓱᑦᑎᐊᕐᓂᕐᒧᑦ ᐃᓐᓇᕆᔭᑦᑎᓐᓂᑦ ᐃᓅᔪᓐᓃᓚᐅᖅᑐᒧᑦ. ᐊᑐᕐᓂᖃᕆᕗᖅ ᑲᑎᖃᑎᖃᖅᖢᓂ ᓄᓇᖃᖅᑳᖅᓯᒪᔪᓂᑦ, ᐃᓕᓐᓂᐊᕐᕕᖕᒥᑦ, ᐊᒻᒪ ᑭᒃᑯᑐᐃᓐᓇᕐᓂᑦ ᓄᓇᓕᖕᓂᖔᖅᑐᓂᑦ ᖃᐅᔨᔪᒪᔪᓂᑦ ᑭᓱᒥᑦ ᓇᖕᒪᖕᒪᖔᖅᐱᑦ ᑕᖅᓴᒐᓛᓕᖕᒥᑦ ᕿᑐᑦᑐᒐᐅᔭᕐᒥᑦ ᓇᓗᓇᐃᕐᓂᖃᖅᑐᒥᑦ Ampere−ᒥᑦ.
ᓄᓇᓕᖕᓂ ᑲᔪᓯᑎᑦᑎᓂᖅ ᐱᔾᔪᑎᖃᖅᐳᖅ ᐊᖏᕐᓂᕐᒥᒃ ᑐᙵᓱᒃᑎᑦᑎᓂᕐᒥᒃ ᑐᙵᓇᕐᓂᕐᒥᒡᓗ ᓇᓂᑐᐃᓐᓇᖅ ᒪᓂᒪᑎᑕᐅᔪᒥ. ᓄᓇᔅᓯᓐᓄᐊᖅᑕᐅᒐᓗᐊᕈᓂ ᐋᓪᓚᒥᑦ ᒥᑦᑕᕐᕕᖕᒥᑦ, ᐅᓂᒃᑳᖅᑐᐊᓂᑦ ᓈᓚᒡᓗᓂ ᐃᓐᓇᒥᑦ, ᑎᓴᒪᓕᒃᑯᑦ ᑐᓄᐊᒍᑦ ᕿᒡᒋᑲᑕᒡᓗᓂ ᐃᓕᓐᓂᐊᕐᕕᓕᐊᕐᓗᓂ ᓂᒡᓚᓱᒃᑎᓪᓗᒍ ᐅᓪᓛᒃᑯᑦ, ᐃᓕᑦᑎᓗᓂᓘᓐᓃᑦ ᓈᓚᒡᓗᓂᓗ ᐅᖃᐅᓯᖕᓂᑦ ᓄᓇᓕᖕᓂᑦ ᐅᖃᐅᓯᖓᓂᑦ. 'Yakhaii' ᑐᑭᖃᖅᐳᖅ 'ᐊᖅᓴᕐᓃᑦ' ᒍᐃᑦᓰᓐ ᐅᖃᐅᓯᐊᒍᑦ, ᐊᒻᒪ 'ᒫᓯᑐ ᓲ' ᑐᑭᖃᖅᖢᓂ 'ᖁᔭᓐᓇᒦᒃ'.
ᓄᓇᓕᖕᓄᑦ ᑕᕝᕗᖓ Old Crow−ᒧᑦ, ᒫᓯᑐ ᓲ.
Ampere−ᑯᑦ ᐊᑐᖅᐸᖕᓂᕆᔮ
ᑐᓴᓚᐅᖅᓯᒪᕕᑦ ᑖᔅᓱᒥᖓ Ampere−ᑯᑦ ᐊᑐᖅᐸᖕᓂᕆᔮᓃᑦ? ᑕᑯᒃᓴᐅᑎᑦᑎᕗᖅ ᖃᓄᖅ ᐃᑲᔪᖅᑐᐃᕙᖕᒪᖔᑦᑕ ᐃᓕᓐᓂᐊᖅᑎᓂᒃ ᓄᓇᓕᕋᓛᖑᓂᖅᓴᓂ, ᐅᖓᓯᒃᑐᒦᑦᑐᓂᒃ, ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᓇᐅᒃᑯᓕᒫᖅ ᐃᓅᓯᖏᓐᓂ ᐊᒻᒪ ᐃᓕᑦᑎᕙᓪᓕᐊᓂᖏᓐᓂ. ᐊᑐᕈᓐᓇᕐᓂᕗᑦ ᐅᑯᓂᖓ ᐃᓚᖃᖅᐳᖅ:
- ᑭᒡᒐᖅᑐᐃᓂᖅ − ᐃᑲᔪᖅᓱᕐᓗᒋᑦ ᓄᓇᓕᕋᓛᖑᓂᖅᓴᑦ, ᐅᖓᓯᒃᑐᒦᑦᑐᑦ, ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᓕᖏᑦ
- ᑲᔪᖏᖅᓴᐃᔪᓕᕆᓂᖅ − ᓂᐱᓂᒃ ᖁᕝᕙᓯᒃᑎᑦᑎᒋᐊᕐᓂᖅ ᐊᒻᒪ ᐊᔪᕈᓐᓃᖅᐸᓪᓕᐊᓂᖅ
- ᓴᖅᑭᑎᑦᑎᕙᓪᓕᐊᓂᖅ - ᓴᙱᓂᖅᑖᖅᑎᑦᑎᓂᖅ ᓴᖅᑭᑎᑦᑎᔨᓂᒃ ᓯᕗᓕᖅᑎᓂᒡᓗ
- ᐃᖅᑲᓇᐃᔮᖃᕐᓂᖅ - ᓴᖅᑭᑦᑎᓂᖅ ᓄᓇᓕᖕᓂ, ᑲᔪᓰᓐᓇᕈᓐᓇᖅᑐᓂᒃ STEAM−ᒧᑦ ᐃᖅᑲᓇᐃᔮᒃᓴᓂᒃ
- ᐃᑲᔫᑎᒃᓴᑦ − ᐊᔾᔨᒌᒃᑎᑦᑎᓗᑎᒃ ᐃᓕᓐᓂᐊᖅᑎᓕᒫᑦ
- ᐃᓕᓐᓂᐊᕐᓂᓕᕆᓂᖅ − ᒪᓂᒪᑎᑦᑎᓂᖅ ᐱᓕᕆᓪᓚᑦᑖᕐᓗᑎᒃ, ᓄᑖᙳᖅᐸᓪᓕᐊᔪᓂᒃ−ᐊᐅᓚᑕᐅᔪᓂᒃ ᐃᓕᑦᑎᕙᓪᓕᐊᓂᕐᒥᒃ
ᑕᐃᑲᓂ ᒥᑦᑎᒪᑕᓕᖕᒥᑦ ᐊᒻᒪ ᖃᐅᓱᐃᑦᑐᒥᑦ ᓗᓇᓕᖕᓄᑦ ᐃᓕᓐᓂᐊᖅᑎᑦᑎᔭᖅᑐᖅᑐᓄᑦ ᐊᐅᓚᖅᐸᒃᑐᓄᑦ ᐊᑐᐃᓐᓇᐅᑎᑦᑎᓪᓗᑎᒃ ᑭᒡᒐᖅᑐᐃᓂᖅ, ᑲᔪᖏᖅᓴᐃᔪᓕᕆᓂᖅ, ᐃᓕᓐᓂᐊᕐᓂᖅ, ᐊᒻᒪ ᐃᑲᔫᑎᒃᓴᑦ ᓄᓇᓕᖕᓂ ᐃᓕᓐᓂᐊᖅᑎᓄᑦ ᐅᑐᐱᕆᒥ ᐳᓛᕆᐊᖅᓯᒪᑎᓪᓗᒋᑦ!