ᐃᓄᖕᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ
ᐱᕕᒃᓴᐅᔪᑦ ᐱᒋᐊᖅᑕᐅᓯᒪᔪᑦ
ᐃᓕᓐᓂᐊᕐᓂᖅ, ᐱᓕᕆᓯᒪᓂᖅ ᐊᒻᒪ ᐃᖅᑲᓇᐃᔮᒃᓴᖅ ᐃᓄᖕᓄᑦ ᐊᔪᕈᑎᓕᖕᓄᑦ
ᐊᔪᕈᑏᑦ − ᐃᓱᒪᒃᑯᑦ ᖃᓄᐃᓐᓂᐅᒐᓗᐊᖅᐸᑦ, ᑎᒥᒃᑯᑦ, ᐃᓕᓐᓂᐊᕐᓂᖅ ᐅᕝᕙᓘᓐᓃᑦ ᐊᓯᐊᒍᑦ − ᓴᖅᑭᑦᑎᕙᒃᐳᑦ ᐊᒡᕕᐊᕈᑎᓂᑦ ᐃᖅᑲᓇᐃᔮᓄᑦ−ᐋᖅᑭᒃᓯᒪᔪᓄᑦ ᐃᓕᓐᓂᐊᕐᓂᐅᔪᓂᑦ, ᐊᑐᕐᓂᐅᔪᓂᑦ ᐊᒻᒪ ᐃᖅᑲᓇᐃᔮᓄᑦ. Ampere-ᑯᑦ ᑮᓇᐅᔭᖃᖅᑎᑕᐅᓪᓗᑎᑦ ᑲᓇᑕᒥᑦ ᒐᕙᒪᒃᑯᓐᓂᑦ, ᑕᒫᓃᑉᐳᑦ ᐃᑲᔪᕐᓗᑎᒃ ᐃᖅᑲᓇᐃᔭᖏᑦᑐᓄᑦ ᐊᒻᒪ ᐃᖃᓇᐃᔭᖏᑦᑐᑦ ᐃᓄᐃᑦ ᐊᔪᕈᑎᓕᖕᓄᑦᐊᑐᕐᓗᒍ ᐊᔪᖏᓐᓂᐅᔪᖅ ᓴᖅᑭᑦᑎᔪᖅ ᑕᐃᔭᐅᔪᒥᑦ STEAM−ᖑᔪᒥᑦ, ᐊᒻᒪ ᐊᑐᕐᓗᓂᔾᔪᒃ ᓴᖅᑭᑦᑎᓂᖅ ᐱᓕᕆᐊᒃᓴᐅᔪᓂᑦ.
Ampere−ᑯᑦ ᐱᕕᒃᓴᐅᔪᓂᑦ ᐱᒋᐊᖅᑕᐅᓯᒪᔪᓂᑦ
ᐱᕕᒃᓴᐅᔪᑦ ᐱᒋᐊᖅᑕᐅᓯᒪᔪᑦ ᑲᑎᑎᑦᑎᕗᖅ ᐃᓕᓐᓂᐊᕐᓂᕐᒥᑦ, ᓯᓚᕐᔪᐊᒥᑦ ᖃᐅᔨᒪᓂᖃᕐᓗᑎᑦ ᐊᒻᒪ ᐃᑲᔪᖅᑐᐃᖃᑎᒌᖕᓂᕐᒥᑦ, ᐃᑲᔪᕐᓗᓂ ᐃᓄᖕᓂᑦ ᐊᔪᕈᑎᓕᖕᓄᑦ ᐊᓂᒍᐃᑎᓪᓗᒋᑦ ᐊᒡᕕᐊᕈᑎᓂᑦ ᐃᖅᑲᓇᐃᔮᒧ. ᐃᓚᖃᖅᐳᖅ :
- ᐱᓇᓱᐊᕈᓯᕐᓄᑦ ᑎᓴᒪᓄᑦ ᓇᖕᒥᓂᖅ−ᑕᑯᔭᖅᑐᕐᓗᓂ, ᖃᕆᓴᐅᔭᒃᑯᑦ ᐅᕝᕙᓘᓐᓃᑦ ᑲᑎᓐᖓᔪᓂᑦ ᐃᓕᓐᓂᐊᕐᓂᖅ (ᐱᖃᓯᐅᑎᓗᒍ ᑮᓇᐅᔭᖅᑖᕆᔭᐅᕙᒃᑐᖅ), ᑕᐅᑐᒐᖃᕐᓂᖅ ᐃᖅᑲᓇᐃᔮᓄᑦ ᐊᔪᖏᓐᓂᐅᔪᑦ
- ᐊᑕᐅᓯᕐᒥᑦ ᐊᑕᐅᓯᕐᒧᑦ ᐃᑲᔪᖅᓱᐃᓂᖅ ᐃᖅᑲᓇᐃᔮᒃᓴᒥᑦ ᓇᓂᓯᓂᕐᒧᑦ ᐊᒻᒪ ᐸᕐᓇᐃᓂᕐᒥᑦ
- ᐊᑭᓕᖅᓱᖅᑕᐅᓗᓂ ᐃᖅᑲᓇᐃᔭᖅᓯᓐᓈᑦ ᑎᑭᓪᒍ 12−ᒧᑦ ᐱᓇᓱᐊᕈᓯᕐᓄᑦ, ᐃᖅᑲᓇᐃᔮᖃᐃᓐᓇᕈᓐᕋᔭᕐᓗᓂ.
ᐱᓇᓱᐊᕈᓯᕐᓄᑦ ᑎᓴᒪᓄᑦ ᐃᓕᓐᓂᐊᕐᓂᖅ ᐱᔭᕇᖅᑕᐅᔪᓐᓇᖅᑐᖅ ᑕᐅᑐᒡᓗᒍ, ᐃᓕᓐᓂᐊᖅᑐᓃᖃᑕᐅᓗᓂ ᐅᕝᕙᓘᓐᓃᑦ ᖃᓄᑐᐃᓐᓇᖅ ᐋᖅᑭᒃᓯᒪᓂᖃᕐᓗᓂ, ᐊᒻᒪᓗ ᐱᖃᓯᐅᔾᔨᓪᓗᓂ ᖃᐅᑕᒫᑦ ᑮᓇᐅᔭᖅᑖᕆᔭᐅᕙᒃᑐᓂᒃ ᑕᒪᐃᓐᓄᑦ ᐃᓚᐅᖃᑕᐅᔪᓄᑦ. ᐃᓕᓐᓂᐊᕐᓂᖅ ᐃᓚᖃᖅᐳᖅ ᐊᖏᖅᓯᒪᑦᑎᐊᖅᑐᒥᒃ, ᐊᑕᐅᓯᕐᒧᑦ ᐃᑲᔪᖅᑐᐃᓂᕐᒥᒃ Ampere−ᑯᑦ ᖃᐅᔨᒪᔨᑕᖏᓐᓂᒃ ᐊᒻᒪ ᑐᕌᒐᖃᖅᖢᓂ ᑕᒪᒃᑮᖕᓂᒃ ᖃᕆᓴᐅᔭᒃᑯᑦ ᐊᔪᕈᓐᓃᖅᓴᕐᓂᕐᒥᒃ ᐊᒻᒪ ᐃᖅᑲᓇᐃᔮᒧᑦ ᐅᐸᓗᖓᐃᔭᕐᓂᕐᒥᒃ ᐃᓕᓐᓂᐊᕐᓂᕐᒥᒃ, ᐃᓚᖃᖅᖢᓂ:
ᐃᖅᑲᓇᐃᔭᕐᓗᓂ ᐃᓕᓐᓂᐊᕐᓂᖅ:
ᐃᓚᐅᖃᑕᐅᔪᑦ ᐃᓕᔭᐅᓂᐊᖅᑐᑦ ᐊᑭᓕᖅᓱᖅᑕᐅᓗᑎᒃ ᐃᓕᓐᓂᐊᖅᑎᑕᐅᓗᑎᒃ ᐱᓇᓱᐊᕈᓯᕐᓄᑦ 12-ᓄᑦ ᐃᖅᑲᓇᐃᔭᖅᑎᑦᑎᔨᒧᑦ ᐱᔭᐅᔪᒪᔪᒥᒃ ᐅᕝᕙᓘᓐᓃᑦ ᓴᖅᑭᐸᓪᓕᐊᔪᒥᒃ ᓂᐅᕐᕈᑎᖃᕐᕕᐅᔪᑦᒥ. ᑕᐃᒪᓐᖓᓕᒫᖅ, ᐅᓄᖅᑐᒻᒪᕆᐅᔪᑦ ᐳᓴᓐᑎᖏᑦ Ampere-ᒥᑦ ᐃᓕᓐᓂᐊᓯᓐᓈᑦ ᐃᖅᑲᓇᐃᔭᖃᑦᑕᖅᑐᑦ ᑲᔪᓯᓯᒪᐃᓐᓇᕐᒪᑕ ᐃᖅᑲᓇᐃᔭᐃᓐᓇᖅᖢᑎᒃ ᑕᕝᕙᓂᒃᔅᐃᓐᓇᖅ ᐱᓕᕆᐊᖃᖅᖢᑎᒃ.
ᐃᓂᒃᓴᑭᑦᑐᖅ
ᐃᓕᓐᓂᐊᕐᓂᖅ:
- ᖃᕆᓴᐅᔭᓕᕆᓂᕐᒥᒃ ᐊᔪᙱᓐᓂᖅ (ᑕᐃᔭᐅᔪᑦ Google Workspace−ᒥᑦ, ᖃᕆᓴᐅᔭᒃᑯᑦ ᑎᑎᕋᕐᕕᒃᓴᐃᑦ/ᖃᕆᓴᐅᔭᒃᑯᑦ ᑐᙵᕕᒃᓴᐃᑦ, ᖃᕆᓴᐅᔭᒃᑯᑦ ᑲᑎᒪᕕᒃᓴᐃᑦ, ᐊᓯᖏᓪᓗ)
- ᐃᓅᖃᑎᒌᓄᑦ ᑐᓴᐅᒪᖃᑦᑕᐅᑎᔾᔪᑎᖏᑦ
- ᖃᕆᓴᐅᔭᒃᑯᑦ ᐊᑦᑕᕐᓇᔾᔭᐃᖅᓯᒪᓂᖅ ᐊᒻᒪ ᓴᐳᒻᒥᔭᐅᓯᒪᓂᖅ
- ᐃᒻᒥᒧᑦ ᐊᔪᕈᓐᓃᖅᓴᕐᓂᖅ ᕿᒥᕐᕈᓂᖅ ᑐᕌᒐᒃᓴᓂᒡᓗ ᐋᖅᑭᒃᓱᐃᓂᖅ
- ᐃᖅᑲᓇᐃᔮᖅᑖᕋᓲᑎᓂᒃᑦ ᓴᓇᓂᖅ, ᐃᖅᑲᓇᐃᔮᒃᓴᖅᓯᐅᕐᓂᖅ ᐊᒻᒪ ᐊᐱᖅᓱᖅᑕᐅᓂᕐᒧᑦ ᐊᔪᙱᓐᓂᐅᔪᑦ
- ᐃᖅᑲᓇᐃᔭᕐᓂᕐᒧᑦ ᐅᐸᓗᖓᐃᔭᖅᓯᒪᓂᖅ
- ᐃᒃᐱᖕᓂᐊᓂᒃᑯᑦ ᐅᔾᔨᖅᓱᕐᓂᖅ
- ᖃᕆᓴᐅᔭᒃᑯᑦ ᐊᔪᓐᖏᑕᐅᔭᕆᐊᓖᑦ ᐊᒻᒪᓗ ᐃᖅᑲᓇᐃᔭᕐᕕᖕᒥ ᖃᐅᔨᒪᓂᖃᑦᑎᐊᕐᓂᖅ
- ᐊᒻᒪ ᓱᓕᒃᑲᓐᓃᑦ!
ᐅᓪᓗᖅ ᐊᒻᒪ ᐃᑲᕐᕋᑦ: ᐃᓕᓐᓂᐊᕐᓂᖅ ᐱᒋᐊᕋᔭᖅᑐᖅ ᔪᓚᐃ 8−ᒥᑦ - 31−ᒧᑦ (ᐊᐃᑉᐹᒃᑯᑦ ᐊᒻᒪ ᕿᑎᖅᑰᑎᒃᑯᑦ, 10−ᒥᑦ ᐅᓪᓛᒃᑯᑦ - 1−ᒧᑦ ᐅᓐᓄᒃᓴᒃᑯᑦ)
ᐃᓂᒋᔭᖓ ᐃᓕᓐᓂᐊᖅᑐᓃᒃᑯᕕᑦ: Kawartha Lakes Makerspace, 12 Peel Street, Lindsay, Ontario K9V3L8
ᐱᔪᓐᓇᖅᑎᑕᐅᓂᖅ:
- ᓇᓗᓇᐃᖅᓯᒪᓗᓂ ᐊᔪᕈᑎᖃᕐᓂᕐᒥᒃ
- ᐅᑭᐅᖃᕐᓗᓂ 15−ᓂᑦ ᐅᖓᑖᓄᓪᓗ
- ᐃᖅᑲᓇᐃᔮᖃᖏᓪᓗᓂ/ᐃᖅᑲᓇᐃᔭᓐᖏᓗᐊᕐᓗᓂᓗ
- ᓄᓇᖃᕐᓗᓂ ᐋᓐᑎᐅᕆᔫᒥᑦ, ᓄᓇᑦᑎᐊᒥᑦ, ᓄᓇᕗᒻᒥᑦ ᐅᕝᕙᓘᓐᓃᑦ ᓂᐅᕙᓐᓛᓐᒥᑦ ᐊᒻᒪ ᓛᐸᑐᐊᒥᑦ
Advance your career
ᐃᖅᑲᓇᐃᔭᖅᑎᑦᑎᔨᓄᑦ:
ᐃᖅᑲᓇᐃᔭᖅᑎᑦᑎᔨᐅᓪᓗᓂ, ᐱᒻᒪᕆᐅᒐᕕᑦ ᑮᓇᐅᔭᓕᐅᕈᑎᖃᕋᓱᖕᓂᕗᑦ ᐊᑐᐃᓐᓇᐅᖁᓪᓗᒍ ᑎᒥᒥᒍᑦ ᐊᔪᕈᑎᓕᖕᓄᑦ. ᐱᕕᒃᓴᖃᖅᑎᑦᑎᓂᕐᒧᑦ ᐱᒋᐊᖅᑎᑕᐅᓯᒪᔪᖅ ᐊᑐᐃᓐᓇᐅᑎᑦᑎᕗᖅ ᐊᔾᔨᒌᙱᑦᑐᓂᒃ ᐱᓕᒻᒪᒃᓴᐃᓂᕐᒥᒃ ᐃᑲᔪᖅᓱᐃᓂᕐᒥᒡᓗ, ᐊᔾᔨᒌᙱᑦᑑᑎᐅᖁᓪᓗᒋᑦ ᐃᖅᑲᓇᐃᔭᕐᕕᒋᔭᐃᑦ ᐊᒻᒪᓗ ᓴᖅᑭᑦᑎᖁᓪᓗᒋᑦ ᐃᓚᐅᑎᑦᑎᓂᕐᒥᒃ ᐊᑐᐃᓐᓇᐅᔪᓂᒡᓗ ᐃᖅᑲᓇᐃᔭᕐᕕᖕᓂᒃ ᐃᖅᑲᓇᐃᔭᖅᑎᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ, ᐊᒻᒪᓗ ᐃᑲᔪᖁᓪᓗᒋᑦ ᑕᐃᒃᑯᓂᖓ ᐃᑲᔪᖅᑐᐃᕙᒃᑐᓂᒃ ᑎᒥᒥᒍᑦ ᐊᔪᕈᑎᓕᖕᓂᒃ ᐃᖅᑲᓇᐃᔭᖅᑎᓪᓗᒋᑦ.
ᑮᓇᐅᔭᓄᑦ ᐃᑲᔫᑏᑦ:
- ᑎᑭᓪᓗᒍ $6287 ᐱᓇᓱᐊᕈᓯᕐᓄᑦ 12−ᓄᑦ ᐊᑭᓕᖅᓱᖅᑕᐅᓪᓗᓂ ᐃᓕᓐᓂᐊᖅᓯᓐᓈᑦ ᐃᓂᖃᖅᑎᑕᐅᓂᖅ.
- ᐃᑲᔫᓯᐊᒃᓴᑦ ᐊᑐᐃᓐᓇᐅᕗᑦ ᐃᖅᑲᓇᐃᔭᕐᕕᒃ ᐊᑐᐃᓐᓇᐅᖁᓪᓗᒍ ᐱᔭᕆᐊᖃᖅᐸᑦ.
ᐃᓕᓐᓂᐊᕐᓂᖅ:
- ᐃᓕᓐᓂᐊᖅᑎᑦᑎᓂᖅ ᐱᐅᓯᕚᓪᓕᖁᓪᓗᒍ ᑎᒥᖁᑎᒋᔭᓯ ᐱᔪᓐᓇᕐᓂᖏᑦ ᐃᓚᐅᑎᑦᑎᓂᖅᓴᐅᖁᓪᓗᒋᑦ ᐊᒻᒪᓗ ᐋᖅᑭᒃᓱᐃᔪᓐᓇᖁᓪᓗᒋᑦ ᐃᖅᑲᓇᐃᔭᖅᑎᑖᕋᓱᐊᕐᓂᕐᒧᑦ ᐊᒻᒪᓗ ᐃᖅᑲᓇᐃᔭᖅᑎᖃᐃᓐᓇᕋᓱᐊᕐᓂᕐᒧᑦ ᐊᔪᓐᖏᑦᑐᓂᒃ ᐃᖅᑲᓇᐃᔭᖅᑎᓂᒃ ᐃᓅᓯᖃᖅᑐᓂᒃ ᑎᒥᒥᒍᑦ ᐊᔪᕈᑎᓕᓐᓂᒃ.
