ᑕᓂᐅᓪ ᒧᐊᕐ ᐃᓕᓐᓂᐊᖅᑎᓄᑦ ᐃ?ᔫᑎ 2025
ᑕᓂᐅᓪ ᒧᐊᕐ ᖁᕕᐊᒋᔭᖃᑦᑎᐊᓚᐅᖅᑐᖅ, ᐊᒃᓱᕉᑎᖃᖅᖢᓂ, ᐃᓕᓴᐃᔨᐅᓪᓗᓂ ᐱᖃᓐᓇᕆᔭᐅᓪᓗᓂᓗ. ᐊᒃᑐᐃᓚᐅᖅᑐᖅ ᐃᓅᓯᖏᓐᓂᒃ ᖃᐅᔨᒪᔭᓕᒫᖏᓐᓂᑦ ᐊᒻᒪᓗ ᐃᓂᖃᖃᑎᑦᑐᓐᓇᖅᓯᓪᓗᓂᐅᒃ.
ᐃᑲᔪᓚᐅᖅᑐᖅ ᐋᖅᑭᒃᓱᐃᓪᓗᓂ ᐱᓐᖑᐊᖅ ᐃᖃᓗᖕᓂᑦ ᖃᕆᓴᐅᔭᖃᕐᕕᐊᓂᒃ ᐊᒻᒪᓗ ᐃᓕᓐᓂᐊᕈᑎᒃᓴᑦᑎᓐᓂᒃ. ᑕᓂᐅᓪ ᐃᓅᓯᕐᒥᓂᒃ ᑐᓂᓯᓚᐅᖅᑐᖅ ᐃᓕᓐᓂᐊᖅᑐᓕᕆᓂᕐᒧᑦ, ᐊᒻᒪᓗ ᐊᕙᑎᓕᕆᓂᕐᒧᑦ ᐊᒻᒪᓗ ᐊᑐᖅᖢᓂ ᓄᑖᓂᒃ ᖃᕆᓴᐅᔭᓕᕆᓂᕐᒥᑦ ᐊᒻᒪᓗ ᖃᕆᓴᐅᔭᒃᑯᑦ ᐱᔪᓐᓇᕐᓂᐅᔪᓂᒃ ᑭᓱᓕᒫᓄᑦ ᐱᓕᕆᐊᕆᕙᒃᑕᒥᓄᑦ.
ᑕᓂᐅᓪ ᐃᓅᓯᖓ ᓇᐃᒡᓕᑎᖅᑕᐅᓚᐅᖅᑐᖅ ᖃᖓᑕᑎᓪᓗᒍ Kenya-ᒧᑦ ᐃᓚᐅᖃᑕᐅᔭᖅᑐᖅLᓂ ᓄᓇᕐᔪᐊᕐᒥ ᑲᑐᔾᔨᖃᑎᒌᑦ ᐊᕙᑎᓕᕆᓂᕐᒧᑦ ᑲᑎᒪᓂᖏᓐᓄᑦ ᒫᔾᔨ 10, 2019-ᒥ ᖃᖓᑕᓲᖅ ET302 ᑲᑕᒃᑎᓪᓗᒍ ᐃᑎᐅᐱᐊᒥ. bᓂᐅᓪ ᓯᓚᕐᔪᐊᕐᒥᐅᓂᒃ ᐱᐅᓯᕚᓪᓕᖅᑎᑦᑎᓚᐅᖅᑐᖅ ᐊᒻᒪᓗ ᑖᓐᓇ ᒪᒃᐱᒐᖅ ᑐᕌᖓᔪᖅ ᐃᖅᑲᐅᒪᔭᐅᖏᓐᓇᖁᓪᓗᒍ, ᓴᖅᑭᑦᑎᖁᓪᓗᒍ ᐃᓕᓐᓂᐊᕈᑎᒃᓴᓂᒃ ᑐᙵᓱᒃᑎᑕᐅᓪᓗᓂ ᑖᔅᓱᒧᖓ, ᐊᒻᒪᓗ ᑮᓇᐅᔭᖃᖅᑎᑦᑎᓂᕐᒧᑦ ᐱᕕᒃᓴᓂᒃ ᐃᑲᔪᕈᑕᐅᓂᐊᖅᑐᓂᒃ ᓄᓇᓕᖕᓄᑦ ᖁᕕᐊᒋᔭᐅᑦᑎᐊᓚᐅᖅᑐᓄᑦ.
ᐃᓕᓐᓂᐊᖅᑐᓄᑦ ᐃᑲᔫᓯ ᑮᓇᐅᔭᑦ
ᑕᓂᐅᓪ ᓯᓚᕐᔪᐊᕐᒥᐅᓂᒃ ᐱᐅᓯᕚᓪᓕᖅᑎᑦᑎᓚᐅᖅᑐᖅ ᐊᒻᒪᓗ ᑖᓐᓇ ᒪᒃᐱᒐᖅ ᑐᕌᖓᔪᖅ ᐃᖅᑲᐅᒪᔭᐅᖏᓐᓇᖁᓪᓗᒍ, ᓴᖅᑭᑦᑎᖁᓪᓗᒍ ᐃᓕᓐᓂᐊᕈᑎᒃᓴᓂᒃ ᑐᙵᓱᒃᑎᑕᐅᓪᓗᓂ ᑖᔅᓱᒧᖓ, ᐊᒻᒪᓗ ᑮᓇᐅᔭᖃᖅᑎᑦᑎᓂᕐᒧᑦ ᐱᕕᒃᓴᓂᒃ ᐃᑲᔪᕈᑕᐅᓂᐊᖅᑐᓂᒃ ᓄᓇᓕᖕᓄᑦ ᖁᕕᐊᒋᔭᖃᑦᑎᐊᓚᐅᖅᑐᓄᑦ.
ᑕᓂᐅᓪ ᒧᐊᕐ ᐃᓕᓐᓂᐊᓂᕐᒧᑦ ᐃᑲᔫᑏᑦ ᓴᖅᑭᔮᖅᑐᑦ ᑲᔪᓯᖁᓪᓗᒋᑦ ᑖᓂᐅᓪ ᑭᖑᕚᕆᓚᐅᖅᑕᖏᑦ ᐊᒻᒪᓗ ᑕᑯᒃᓴᐅᑎᑦᑎᖁᓪᓗᒋᑦ ᑕᐃᔅᓱᒪᓂ ᐃᖃᓗᓐᓂ, ᓄᓇᕗᒻᒥ. ᑖᓐᓇ ᐃᓕᓐᓂᐊᕈᑎᒃᓴᖅ ᐃᖅᑲᐅᒪᔾᔪᑎᐅᕗᖅ ᑕᓂᐅᓪ ᐊᕙᑎᓕᕆᓂᕐᒥᒃ ᐃᓕᓴᐃᔨᐅᓂᕐᒥᒡᓗ ᐊᒃᓱᐊᓗᒃ ᐃᒃᐱᒋᔭᐅᑦᑎᐊᓚᐅᕐᒪᑦ ᐃᖃᓗᖕᓂ ᒪᒃᑯᒃᑐᓄᑦ ᖃᐅᔨᒪᔭᐅᓕᖅᖢᓂ ᓇᒡᓕᒋᔭᐅᓪᓗᓂ “ᐊᕐᓇᖅ ᖃᕆᓴᐅᔭᕋᓛᖃᖅᑐᖅ.” ᑖᓐᓇ ᐃᓕᓐᓂᐊᕈᑎᒃᓴᖅ ᑕᓂᐅᓪ ᐃᖅᑲᐅᒪᔭᐅᖁᓪᓗᒍ, ᑐᕌᖓᔪᖅ ᓴᖅᑭᔮᖅᑎᑦᑎᓂᕐᒧᑦ ᒪᒃᑯᒃᑐᓄᑦ ᐃᓕᓐᓂᐊᕈᑎᒃᓴᓂᒃ ᐊᒻᒪᓗ ᑎᓕᐅᕆᓂᕐᒧᑦ ᒪᒃᑯᒃᑐᓂᒃ ᐃᓕᓐᓂᐊᖅᑎᓂᒃ, ᐃᑲᔪᖅᑐᐃᓂᐊᖅᑐᖅ ᐃᓄᖕᓂᒃ ᐃᓕᓐᓂᐊᕈᑎᒃᓴᖏᓐᓂᒃ, ᓂᕆᐅᒋᔭᐅᓪᓗᓂ ᑐᓂᔭᐅᔪᑦ ᑲᔪᓯᓂᐊᕐᓂᖏᓐᓂᒃ ᑕᓂᐅᓪ ᖁᕕᐊᒋᔭᖃᕐᓂᖓ STEAM-ᒥᒃ.
ᑖᓂᐊᓪ ᒧᐊ ᐊᒃᑐᐃᓯᒪᕗᖅ ᒪᒃᑯᒃᑐᓄᑦ ᐊᒻᒪ ᐱᓐᖑᐊᖅ ᓴᓇᔨᖏᓐᓄᑦ ᑕᐃᑲᓂ ᐃᖃᓗᖕᓂᑦ ᖃᕆᓴᐅᔭᓕᕆᕝᕕᐊᓂᑦ. ᐱᓕᕆᐊᖃᕈᒪᓚᖅᑐᖅ ᐃᓕᓐᓂᐊᖅᑎᑦᑎᓂᕐᒥᑦ ᐊᒻᒪ ᐃᓕᓐᓂᐊᖅᑕᐅᔪᒃᓴᓕᕆᓂᕐᒥᑦ ᐋᖅᑭᒃᑕᒥᓂᑦᓲᓕ ᒫᓐᓇ ᐃᒃᐱᒋᔭᐅᓂᖃᖅᐳᖅ ᖃᕆᓴᐅᔭᓕᕆᕝᕕᖕᒥᑦ ᐊᒻᒪ ᕿᒥᕐᕈᕗᒍᑦ ᐃᓕᓴᕆᔪᒪᓪᓗᑎᒍᑦ ᐃᖅᑲᐅᒪᓂᕆᔭᑦᑎᓐᓂᑦ ᐊᒻᒪᓗ ᐱᓕᕆᓂᕆᓚᐅᖅᑕᖓ ᐃᖃᓗᖕᓂᑦ. ᐱᔾᔪᑎᖓ ᑖᔅᓱᒪ ᒪᓕᒐᓕᐊᕆᓯᒪᔪᑦ ᐃᑲᔫᑎᐅᓗᓂ ᐃᓕᓐᓂᐊᒃᑲᓐᓂᕐᓂᕐᒧᑦ ᓴᖅᑭᑕᐅᓯᒪᔪᓂᑦ ᐊᑎᖓ ᑖᓂᐊᓪ ᒧᐊ ᐊᑐᕐᓗᒍ.
ᑖᓐᓇ ᐃᓕᓐᓂᐊᖅᑐᓄᑦ ᐃᑲᔫᑎ ᐊᑐᐃᓐᓇᐅᔪᖅ ᐊᑕᐅᓯᕐᒧᑦ ᐅᓄᖅᑐᓄᓪᓘᓐᓃᑦ ᑐᒃᓯᕋᐅᑎᓕᐅᖅᑐᓄᑦ, ᒪᓕᒃᖢᒋᑦ ᐃᓕᓐᓂᐊᖅᑎᑕᐅᓂᖏᑦ ᐊᒻᒪᓗ ᖃᔅᓯᐅᓂᖏᑦ ᐋᖅᑭᒃᑕᐅᓂᐊᖅᑐᑦ ᒪᓕᒃᖢᒋᑦ ᐱᔭᕆᐊᖃᕐᓂᖏᑦ ᐊᒻᒪᓗ ᐊᑐᐃᓐᓇᐅᓂᕆᔭᖏᑦ.
ᑖᓐᓇ ᑕᓂᐅᓪ ᒧᐊᕐ ᐃᓕᓐᓂᐊᖅᑐᓄᑦ ᐃᑲᔫᑎ ᑮᓇᐅᔭᑦ ᐅᒃᑯᐃᕐᓂᐊᖅᐳᖅ ᐊᐃᕐᕆᓕ 19−ᒥᑦ 2019 ᐅᒃᑯᐊᕐᓗᓂᓗ ᐊᐅᒡᒎᓯᑎ 8, 2025−ᒥᑦ.
ᑕᓂᐅᓪ ᒧᐊᕐ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᖅᑖᖅᑐᑦ 2024−ᖑᑎᓪᓗᒍ
ᐱᓐᖑᐊᖅ ᑲᑐᔾᔨᖃᑎᒌᖏᑦ, ᑲᑐᔾᔨᖃᑎᒋᓪᓗᒋᑦ ᒧᐊᕐ ᐃᓚᒌᑦ, ᖁᕕᐊᓱᒃᐳᑦ ᑐᓴᖅᑎᑦᑎᔭᕆᐊᔅᓴᖅ ᑎᓴᒪᑦ ᓄᓇᕗᒻᒥᐅᑦ ᑐᓂᔭᐅᖕᒪᑕ ᑕᓂᐅᓪ ᒧᐊᕐ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓂᑦ, ᐊᒻᒪᓗ ᐊᑐᓂᑦ ᑐᓂᔭᐅᓂᐊᖅᖢᑎᒃ $3,000 ᑮᓇᐅᔭᑎᒍᑦ ᐃᑲᔫᑎᓂᑦ ᐃᓕᓐᓂᐊᖏᓐᓇᖁᓪᓗᒋᑦ. ᓵᓚᒃᓴᖅᑐᑦ ᐅᑯᐊᖑᕗᑦ:
- ᕼᐊᐃᓕ ᐊᕐᓇᕐᔪᐊᖅ ᓴᓂᕋᔭᖕᒥᐅᑕᖅ
- ᑳᓐᑎ ᐃᕗᓂᑦᑕᓐᓇᒃ ᓇᐅᔮᓂᕐᒥᐅᑕᖅ
- ᐊᐅᕋ ᒃᕚᓐ ᐃᖃᓗᖕᒥᐅᑕᖅ
- ᑭᐅᕋ ᑳᒻᐳᓪ ᐃᖃᓗᖕᒥᐅᑕᖅ
ᑕᓂᐅᓪ ᒧᐊᕐ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᖅᑖᖅᑐᑦ 2023−ᖑᑎᓪᓗᒍ
ᐱᓐᖑᐊᖅ ᑲᑐᔾᔨᖃᑎᒌᖏᑦ, ᑲᑐᔾᔨᖃᑎᖃᖅᖢᑎᒃ ᒧᐊᕐ ᐃᓚᖏᓐᓂᒃ, ᖁᕕᐊᓱᒃᐳᑦ ᑐᓴᖅᑎᑦᑎᔭᕆᐊᔅᓴᖅ ᐱᖓᓱᑦ ᓄᓇᕗᒻᒥᐅᑦ ᑐᓂᔭᐅᖕᒪᑕ 2023−ᒥᑦ ᑕᓂᐅᓪ ᒧᐊᕐ ᐃᓕᓐᓂᐊᓂᕐᒧᑦ ᐃᑲᔫᓯᐊᒃᓴᓂᑦ, ᐊᒻᒪᓗ ᐊᑐᓂᑦ $2,000−ᑖᓚᒥᑦ ᑮᓇᐅᔭᑎᒍᑦ ᐃᑲᔫᓯᐊᕐᓂᐊᖅᖢᑎᒃ ᐃᓕᓐᓂᐊᖏᓐᓇᕐᓂᐊᕐᓂᖏᓐᓄᑦ. ᓵᓚᒃᓴᖅᑐᑦ ᐅᑯᐊᖑᕗᑦ:
- ᑎᐊᕆᒃ ᐊᐅᓪᓚᓐᓈᖅ ᕿᒧᒃᓯᕌᖅ ᐃᐅᕕᓐ-ᕚᓐ ᐊᐃᓐᑐᕼᐅᕙᓐ ᑲᖏᖅᖠᓂᕐᒥᐅᑕᖅ
- ᐹᒥᓚ ᑕᓂᔅ ᐃᒥᖓᒃ ᐃᖃᓗᒃᑑᑦᑎᐊᕐᒥᐅᑕᖅ
- ᑲᐃᕋ ᕿᓚᕝᕙᖅ ᐃᖃᓗᖕᒥᐅᑕᖅ
ᑕᓂᐅᓪ ᒧᐊᕐ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᖅᑖᖅᑐᑦ 2022−ᖑᑎᓪᓗᒍ
ᐱᓐᖑᐊᖅ ᑲᑐᔾᔨᖃᑎᒌᖏᑦ, ᐱᓕᕆᖃᑎᖃᖅᖢᑎᒃ ᒧᐊᕐ ᐃᓚᖏᓐᓂᒃ, ᖁᕕᐊᓱᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᒪᕐᕉᖕᓂᒃ ᓄᓇᕗᒻᒥᐅᑖᖕᓂᒃ ᑐᓂᔭᐅᓚᐅᕐᒪᑎᒃ ᓯᕗᓪᓕᖅᐹᒥᒃ ᑕᓂᐅᓪ ᒧᐊᕐ ᐃᓕᓐᓂᐊᕈᑎᒃᓴᓄᑦ ᐃᑲᔫᑎᒥᑦ. ᓵᓚᒃᓴᖅᑐᑦ ᐅᑯᐊᖑᕗᑦ:
- ᔨᐊᓇ ᕿᓚᕝᕙᖅ-ᖃᖅᑲᓯᖅ ᐸᖕᓂᖅᑑᕐᒥᐅᑕᖅ
- ᑲᐃᓕ ᐊᖑᑎᒪᕆᒃ ᐃᒡᓗᓕᖕᒥᐅᑕᖅ