01/05/2026 - (ᐃᖃᓗᐃᑦ, ᓄᓇᕗᑦ) Ampere-ᑯᑦ (ᑕᐃᔭᐅᕙᓚᐅᖅᑐᑦ ᐱᓐᖑᐊᒃᑯᓐᓂᑦ), ᐱᓕᕆᖃᑎᖃᖅᖢᑎᒃ ᒧᐊᕐ ᐃᓚᖏᓐᓂᑦ, ᐱᒃᑯᓕᕗᑦ ᓇᓗᓇᐃᖅᓯᓗᑎᒃ ᑕᑕᑎᕈᑎᒃᓴᒥᑦ ᐊᕐᕌᒍᒧᑦ 2026−ᒥᑦ ᑕᓂᐅᓪ ᒧᐊᕐ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᖅ Danielle Moore Scholarship, ᑮᓇᐅᔭᖃᖅᑎᑕᐅᓂᖅ ᑐᓂᔭᐅᕗᖅ ᐊᑕᐅᓯᕐᒧᑦ ᐅᕝᕙᓘᓐᓃᑦ ᐅᖓᑖᓄᑦ ᓄᓇᕗᒻᒥᐅᓄᑦ ᐃᑲᔪᖅᑐᐃᓗᑎᒃ ᐃᓕᓐᓂᐊᕐᓂᕐᒧᑦ ᐅᕙᓘᓐᓃᑦ ᐃᓕᓐᓂᐊᕐᓂᐅᖏᒃᑲᓗᐊᕐᓗᓂ ᐊᒻᒪ ᐊᔪᕈᓐᓃᖅᓴᕐᓂᕐᒥᑦ ᐱᕙᓪᓕᐊᑎᑦᑎᓂᕐᒧᑦ. ᑕᑕᑎᕆᔾᔪᑏᑦ ᐅᒃᑯᐃᖓᓕᖅᑐᑦ, ᐊᒻᒪ ᑕᑕᑎᕆᔭᕆᐊᓖᑦ ᐃᓱᓕᕝᕕᖓ 11:59−ᒧᐊᖅᐸᑦ ᐅᓐᓄᐊᒃᑯᑦ ᔫᓂ 1-ᒥᑦ, 2026.
ᓴᖅᑭᑕᐅᓚᐅᖅᑐᖅ ᐊᐃᕐᕆᓕ 22−ᒥᑦ, ᑖᓐᓇ ᑕᓂᐅᓪ ᒧᐊᕐ ᐃᓕᓐᓂᐊᖅᑐᓄᑦ ᐃᑲᔫᑎ ᐃᓕᓴᕆᔭᐅᔾᔪᑎ ᐃᖅᑲᐅᒪᓂᐅᓪᓗᓂ ᐊᑎᐊᓂᑦ. ᑕᓂᐅᓪ ᐃᓕᓴᐃᔨᐅᓚᐅᖅᐳᖅ Ampere−ᑯᓐᓂᑦ ᐃᖃᓗᖕᓂᑦ ᖃᕆᓴᐅᔭᓕᕆᕝᕕᐊᓂᑦ ᐊᒻᒪ ᑐᓂᓯᒪᑦᑎᐊᖅᖢᓂ ᐃᓕᓐᓂᐊᖅᑎᑦᑎᓂᕐᒥᑦ ᐊᒻᒪᓗ ᐊᕙᑎᐊᓂᑦ, ᐊᒻᒪᓗ ᑲᑎᓯᒪᓪᓗᓂ ᖃᕆᓴᐅᔭᓕᕆᓂᕐᒥᑦ ᖃᕆᓴᐅᔭᓕᕆᓂᕐᓄᑦ ᐊᔪᓐᖏᑕᐅᔭᕆᐊᓕᖕᓂᑦ ᐱᓕᕆᐊᕆᔭᓕᒫᖏᓐᓄᑦ. ᑕᓂᐅᓪ ᐊᐅᓪᓚᓚᐅᖅᐳᖅ ᑕᐃᑯᖓ ᑳᓐᔭᒧᑦᑭᒡᒐᖅᑐᐃᓗᓂ ᑲᓇᑕᒧᑦᓄᓇᕐᔪᐊᒥᑦ ᑲᑐᔾᔨᖃᑎᒌᓄᑦ ᐊᕙᑎᒧᑦ ᑲᑎᒪᖃᑎᒌᖕᓂᕐᒧᑦ ᖃᖓᑕᓲᖅ ᓈᓴᐅᑖ ET302 ᑲᑕᓚᐅᖅᑎᓪᓗᒍ ᑕᐃᑲᓂ ᐃᑎᔭᐅᐱᐊᒥᑦ.
ᐊᕐᕌᒍᒥᑦ 2025−ᒥᑦ, ᑎᓴᒪᓄᑦ ᓄᓇᕗᒻᒥᐅᓄᑦ ᐃᓕᓴᕆᔭᐅᔪᖃᓚᐅᖅᐳᖅ ᐃᓕᓐᓂᐊᕐᓂᕐᒧᑦ ᐃᑲᔫᑎᒃᓴᒧᑦ, ᐊᑐᓂ ᑮᓇᐅᔭᖅᑖᓚᐅᖅᐳᑦ $3000−ᑖᓚᒥᑦ ᐃᑲᔫᑕᐅᓪᓗᓂ ᐃᓕᓐᓂᐊᕐᓂᖏᓐᓄᑦ, ᐊᓚᐃᓇ ᓂᖏᐅᓐᖓᓐ ᑲᖏᖅᖠᓂᕐᒥᐅᑕᖅ ᖁᑦᑎᖕᓂᖅᓴᒥᒃ ᐃᓕᓐᓂᐊᓚᐅᖅᑐᖅ ᒐᕙᒪᓕᕆᓂᕐᒥᒃ ᓇᖕᒥᓂᖃᕐᓂᕐᒥᒡᓗ ᐅᑭᐅᖅᑕᖅᑐᒥ ᓄᓇᖃᖅᑳᖅᓯᒪᔪᓂᓗ (GENI) ᑕᐃᑲᓂ UiT ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᒡᔪᐊᖓᓂ ᓄᐊᕗᐃᒥᑦ ᐊᒻᒪᓗ ᓯᓚᑦᑐᖅᓴᕐᕕᒡᔪᐊᖓᓂ ᓴᔅᑳᑦᑐᐊᓐᒥᑦ (ᑲᑐᔾᔨᓪᓗᑎᒃ ᐃᓕᓐᓂᐊᕈᑎᓂᑦ). ᑲᐃᑦᓕᓐ (ᓯᑖᕐ) ᒪᒃᓚᐃᓐ ᓴᓪᓕᕐᒥᐅᑕᖅ ᖁᑦᑎᓂᖅᓴᒥᒃ ᐃᓕᓐᓂᐊᓚᐅᖅᑐᖅ ᐃᓕᓐᓂᐊᖅᑐᓕᕆᓂᕐᒧᑦ ᐊᑐᐊᒐᓕᕆᓂᕐᒥᒃ ᓯᓚᑦᑐᖅᓴᕐᕕᔾᔪᐊᖓᓂ ᐋᓪᐴᑕᒥᑦ. ᒫᓯᐊ ᐊᖓᓕᒃ ᐊᕐᕕᐊᕐᒥᐅᑕᖅ ᐃᓕᓴᕆᔭᐅᔾᔪᑎᑖᕋᓱᓚᐅᖅᑐᖅ ᓄᓇᕗᒻᒥ ᐃᓕᓴᐃᔨᐅᓂᕐᒧᑦ ᐃᓕᓐᓂᐊᕈᑎᒥᑦ ᓄᓇᕗᑦ ᓯᓚᑦᑐᖅᓴᕐᕕᖓᓂᑦ. ᒪᐃᒐᓐ ᕿᓚᕝᕙᖅ ᐸᖕᓂᖅᑑᕐᒥᐅᑕᖅ ᓇᓗᓇᐃᒃᑯᑕᖅᑖᕋᓱᒃᑐᖅ ᐊᕙᑎᓕᕆᓂᕐᒧᑦ ᖃᕆᑕᐅᔭᓕᕆᓂᕐᒥᒃ ᓄᓇᕗᑦ ᓯᓚᑦᑐᖅᓴᕐᕕᖕᒥ.
“ᐊᒃᓱᕈᕐᓂᖃᖅᑐᒍᑦ ᑖᓂᐅᓪ ᐃᖅᑲᐅᒪᔭᐅᓂᖓ ᐆᒪᑎᓐᓇᓱᒡᓗᒍ ᐃᓚᒋᔭᐅᓗᓂ ᑎᒥᖁᑎᑦᑕ DNA−ᖑᔪᓄᑦ, ᐊᒻᒪᓗ ᐃᑲᔪᖅᑐᐃᖏᓐᓇᕐᓗᑕ ᒪᒃᑯᒃᑐᓂᒃ ᓄᓇᕗᒻᒥᐅᓂᒃ ᐃᓕᓐᓂᐊᖅᐸᓪᓕᐊᑎᓪᓗᒋᑦ, ᑕᓂᐅᓪᑎᑐᑦ. ᑕᐃᒪᓐᓇ ᑲᔪᓯᑎᑉᐸᕗᑦ ᐱᓕᕆᐊᕆᓚᐅᖅᑕᖓ”
Ampere−ᑯᑦ ᐱᓕᕆᖃᑎᖃᖅᖢᑎᒃ ᑕᓂᐅᓪ ᒧᐊᕐ ᐃᓚᖏᓐᓂᑦ ᑮᓇᐅᔭᖃᖅᑎᑦᑎᓗᑎᒃ ᐃᑲᔪᖅᑐᕐᓗᒍ ᐃᓕᓐᓂᐊᖅᑎᓄᑦ ᐃᑲᔫᑎᒃᓴᒧᑦ ᐊᒃᓱᓪᓘᓐᓃᑦ ᐊᕐᕌᒍᓄᑦ 10−ᓄᑦ ᐊᒻᒪ ᐅᖃᐅᓯᐅᓗᓂ ᐱᓕᕆᖃᑎᒋᔭᐅᓇᔭᖅᑐᓄᑦ ᐱᕈᖅᐸᓪᓕᐊᖁᓪᓗᒍ ᐊᑯᓂᐅᓂᑐᐃᓐᓇᐅᖏᑦᑐᖅ ᑭᓯᐊᓂᓕ ᖃᓄᑎᒋᐅᓂᖓ.
ᑕᑕᑎᕆᔾᔪᑏᑦ ᐊᕐᕌᒍᒧᑦ 2026−ᒧᑦ ᐃᓕᓐᓂᐊᕐᓂᕐᒧᑦ ᐃᑲᔫᑎᒃᓴᑦ ᐅᒃᑯᐃᖓᓕᖅᐳᑦ ᐃᓱᓕᓪᓗᓂ 11:59 ᐅᓐᓄᐊᒃᑯᑦ ᔫᓂ 1−ᒥᑦ 2026−ᒥᑦ. ᑖᓐᓇ ᐃᑲᔫᑎᒃᓴᖅ ᐃᓕᓐᓂᐊᖅᑐᓄᑦ ᐊᑐᐃᓐᓇᐅᕗᖅ ᓄᓇᕗᒻᒥᐅᓄᑦ ᐃᑲᔪᖅᑐᐃᓗᑎᒃ ᐃᓕᓐᓂᐊᕐᓂᕐᒧᑦ ᐅᕙᓘᓐᓃᑦ ᐃᓕᓐᓂᐊᕐᓂᐅᖏᒃᑲᓗᐊᕐᓗᓂ ᐊᒻᒪ ᐊᔪᕈᓐᓃᖅᓴᕐᓂᕐᒥᑦ ᐱᕙᓪᓕᐊᑎᑦᑎᓂᕐᒧᑦ. ᐃᓗᐃᑦᑐᓄᑦ ᑐᒃᓯᕋᐅᑎᓄᑦ ᑕᑕᑎᕆᔾᔪᑎᑦ ᒪᓕᒃᑕᐅᔭᕆᐊᓖᑦ ᐊᒻᒪᓗ ᒪᓕᒃᑕᐅᔭᕆᐊᓖᑦ ᐃᓕᓐᓂᐊᕈᑎᒃᓴᐃᑦ Ampere−ᑯᑦ ᓴᖅᑭᓯᒪᔭᖏᑦ ᑖᓂᐅᓪ ᐃᖅᑲᐅᒪᔭᖓᓄᑦ, ᓇᓂᔭᐅᔪᓐᓇᖅᑐᑦ ᐅᕙᓂ https://amp.ca/grow/high-school-students/scholarships.
Ampere−ᑯᑦ ᒥᒃᓵᓄᑦ:
ᐊᕐᕌᒍᑦ ᖁᓕᑦ ᐅᖓᑖᓄᑦ, Ampere−ᑯᑦ ᐱᓕᕆᖃᑎᖃᖅᓯᒪᕗᖅ ᓄᓇᓕᕋᓛᖑᓂᖅᓴᓂᑦ, ᐅᖓᓯᒋᔭᐅᔪᓂᑦ ᐊᒻᒪ ᐃᓄᐃᑦ ᓄᓇᓕᖏᓐᓂ ᐊᑐᐃᓐᓇᐅᑎᑦᑎᓂᕐᒥᑦ ᖃᐅᔨᓴᖅᑐᓕᕆᕐᓂᕐᒧᑦ, ᖃᕆᓴᐅᔭᓕᕆᓂᕐᒧᑦ, ᐋᖅᑭᒃᓱᓂᕐᒧᑦ, ᓴᓇᓐᖑᐊᕐᓂᕐᒧᑦ ᐊᒻᒪ ᓈᓴᐅᓯᕆᓂᕐᒧᑦ (STEAM) ᐃᓕᓐᓂᐊᕐᓂᐅᔪᒥ ᐊᒻᒪ ᐱᕕᒃᓴᐅᔪᓂ. ᓴᖅᑭᑕᐅᓚᐅᖅᑐᖅ ᐸᖕᓂᖅᑑᒥᑦ, ᓄᓇᕗᒻᒥᑦ, Ampere-ᑯᑦ ᐊᑐᖃᑦᑕᖅᑐᖅ ᐃᓅᓯᕐᒧᑦ ᑐᕌᖓᔪᒥᒃ ᖃᐅᔨᒪᑦᑎᐊᖁᓪᓗᒋᑦ ᐃᑲᔪᖅᑐᐃᓂᖏᑦ ᐃᓕᓐᓂᐊᖅᑎᓂᒃ ᖃᓄᑐᐃᓐᓇᖅ ᐅᑭᐅᖃᕋᓗᐊᖅᑎᓪᓗᒋᑦ, ᐊᒻᒪᓗ ᖃᓄᑐᐃᓐᓇᖅ ᐃᓅᓯᕐᓄ. Ampere-ᑯᑦ ᐱᓕᕆᐊᒃᓴᓂᒃ ᑐᓂᓯᖃᑦᑕᖅᑐᑦ ᑐᕌᑲᐅᑎᒋᔪᒃᑯᑦ ᖃᕆᓴᐅᔭᓕᕆᕝᕕᖕᓄᑦ ᐃᖃᓗᖕᓂ, ᓄᓇᕗᒻᒥᑦ, ᓂᐅ ᐳᕋᓐᓱᐃᒃᒥᑦ ᐊᒻᒪᓗ ᑲᖏᖅᖠᓂᕐᒥᑦ, ᐋᓐᑎᐅᕆᐅᒥᑦ, ᐊᒻᒪᓗ ᐱᓕᕆᖃᑎᖃᖃᑦᑕᖅᖢᑎᒃ ᓄᓇᓕᖕᓂ ᐱᓕᕆᖃᑎᒋᔭᒥᓂᒃ, ᐃᓅᓯᓕᕆᓂᕐᒧᑦ ᑲᑐᔾᔨᖃᑎᒌᓂᒃ, ᒐᕙᒪᒃᑯᑦ ᑮᓇᐅᔭᖃᖅᑎᑦᑎᔨᖏᓐᓂᒃ ᐊᒻᒪᓗ ᐃᓕᓐᓂᐊᕐᕕᖕᓂᒃ ᓯᔾᔭᒥ ᓯᔾᔭᒧᑦ.