20/06/2025 - (ᐃᖃᓗᐃᑦ, ᓄᓇᕗᑦ) - Ampere−ᑯᑦ (ᐱᓐᖑᐊᖑᓚᐅᖅᑐᑦ ᑲᑐᔾᔨᖃᑎᒌᑦ), ᐱᓕᕆᖃᑎᖃᖅᖢᑎᑦ ᑖᒃᑯᓂᖓ ᒧᐊᕐ ᐃᓚᒌᓄᑦ, ᐅᐱᒍᓱᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᑐᒃᓯᕋᐅᑎᓕᐅᖁᔨᓂᕐᒥᑦ ᐊᕐᕌᒍᒧᑦ 2025−ᒥᑦ Danielle Moore Scholarship, ᑮᓇᐅᔭᑦ ᑐᓂᔭᐅᒃᐸᑕ ᐊᑕᐅᓯᕐᒧᑦ ᐅᓄᕐᓂᖅᓴᓄᓪᓘᓐᓃᑦ ᓄᓇᕗᒻᒥᐅᓄᑦ ᐃᑲᔪᖅᑐᐃᔾᔪᑕᐅᓂᐊᖅᑐᓂᒃ ᐃᓕᓐᓂᐊᕐᕕᖕᒥ ᐅᕝᕙᓘᓐᓃᑦ ᐃᓕᓐᓂᐊᕐᕕᐅᙱᑦᑐᒥ ᐃᓕᓐᓂᐊᕐᓂᕐᒥᒃ ᐊᔪᕈᓐᓃᖅᓴᓂᕐᒥᒡᓗ. Applications ᒫᓐᓇ ᐊᑐᐃᓐᓇᐅᓕᖅᑐᑦ, ᐊᒻᒪ ᑕᑕᑎᕆᔭᕆᐊᓕᒃᑎᑭᓪᓗᒍ 11:59 ᐅᓐᓄᐊᒃᑯᑦ ᔫᓂ 30, 2025.
ᓴᖅᑭᑕᐅᓚᐅᖅᑐᖅ ᐊᐃᕐᕆᓕ 22−ᒥᑦ, ᑖᓐᓇ ᑕᓂᐅᓪ ᒧᐊᕐ ᐃᓕᓐᓂᐊᖅᑐᓄᑦ ᐃᑲᔫᑎ ᐃᓕᓴᕆᔭᐅᔾᔪᑎ ᐃᖅᑲᐅᒪᓂᐅᓪᓗᓂ ᐊᑎᐊᓂᑦ. ᑕᓂᐅᓪ ᐃᓕᓴᐃᔨᐅᓚᐅᖅᐳᖅ Ampere−ᑯᓐᓂᑦ ᐃᖃᓗᖕᓂᑦ ᖃᕆᓴᐅᔭᓕᕆᕝᕕᐊᓂᑦ ᐊᒻᒪ ᑐᓂᓯᒪᑦᑎᐊᖅᖢᓂ ᐃᓕᓐᓂᐊᖅᑎᑦᑎᓂᕐᒥᑦ ᐊᒻᒪᓗ ᐊᕙᑎᐊᓂᑦ, ᐊᒻᒪᓗ ᑲᑎᓯᒪᓪᓗᓂ ᖃᕆᓴᐅᔭᓕᕆᓂᕐᒥᑦ ᖃᕆᓴᐅᔭᓕᕆᓂᕐᓄᑦ ᐊᔪᓐᖏᑕᐅᔭᕆᐊᓕᖕᓂᑦ ᐱᓕᕆᐊᕆᔭᓕᒫᖏᓐᓄᑦ. ᑕᓂᐅᓪ ᐊᐅᓪᓚᓚᐅᖅᐳᖅ ᑕᐃᑯᖓ ᑳᓐᔭᒧᑦᑭᒡᒐᖅᑐᐃᓗᓂ ᑲᓇᑕᒧᑦᓄᓇᕐᔪᐊᒥᑦ ᑲᑐᔾᔨᖃᑎᒌᓄᑦ ᐊᕙᑎᒧᑦ ᑲᑎᒪᖃᑎᒌᖕᓂᕐᒧᑦ ᖃᖓᑕᓲᖅ ᓈᓴᐅᑖ ET302 ᑲᑕᓚᐅᖅᑎᓪᓗᒍ ᑕᐃᑲᓂ ᐃᑎᔭᐅᐱᐊᒥᑦ.
ᑕᐃᑲᓂ 2024−ᒥᑦ, ᑎᓴᒪᓂᑦ ᓄᓇᕗᒥᐅᑕᕐᓂᑦ ᑐᓂᔭᐅᓚᐅᖅᑐᑦᐃᑲᔫᑎᒃᓴᒥᑦ, ᐊᑐᓂ ᑮᓇᐅᔭᖅᑖᓚᐅᖅᑐᑦ $3,000 ᑖᓚᒥᑦ ᑮᓇᐅᔭᓄᑦ ᐃᑲᔪᖅᖢᒋᑦ ᐃᓕᓐᓂᐊᕈᑎᖏᓐᓄᑦ. ᕼᐊᐃᓕ ᐊᕐᓇᕐᔪᐊᖅ ᓴᓂᕋᔭᖕᒥᐅᑕᖅ ᓯᕗᓪᓕᖅᐹᒥᑦ ᐊᕐᕌᒍᒥᑦ ᐃᓕᓐᓂᐊᓚᐅᖅᑐᖅ ᓄᓇᖃᖅᑳᑐᓄᑦ ᑕᐃᔭᐅᔪᒥᑦ STEM ᐃᓕᓐᓂᐊᒐᒃᓴᖅ ᑕᐃᑲᓂ Lakehead ᓯᓚᑦᑐᖅᓴᕐᕕᒡᔪᐊᖓᓂ. ᐊᕐᕌᒍᓄᑦ ᐱᖓᓱᓄᑦ ᐃᓕᓐᓂᐊᖅᑎᐅᔪᖅ, ᑳᓐᑎ ᐃᕗᓂᑦᑕᓐᓇᖅ ᓇᐅᔮᓂᕐᒥᐅᑕᖅ, ᐃᓕᓐᓂᐊᓚᐅᖅᑐᖅ ᐃᓕᓴᐃᔨᒃᓴᐅᓂᕐᒧᑦ ᓄᓇᕗᑦ ᓯᓚᑦᑐᖅᓴᕐᕕᖓᓂᑦ. ᐊᐅᕋ ᒃᕚᓐ ᐃᖃᓗᖕᓂᓐᖔᖅᑐᖅ ᓯᕗᓪᓕᕐᒥᑦ ᐊᕐᕌᒍᒥᑦ ᐃᓕᓐᓂᐊᖅᑎᐅᔪᖅ ᓯᓚᑦᑐᖅᓴᕐᕕᒡᔪᐊᒥᑦ ᑐᕌᓐᑐᒥᑦ ᓂᔾᔭᐅᓯᔭᕐᓂᕐᒧᑦ ᐃᓕᓴᕆᔭᐅᔾᔪᑎᑖᕋᓱᒃᑐᑦ, ᑕᐅᑐᒐᖃᖅᖢᑎᒃ ᓂᔾᔭᐅᓯᔭᕐᓂᕐᒧᑦ ᐃᓕᓐᓂᐊᕐᓂᕐᒥᒃ. ᐊᒻᒪ ᑭᐅᕋ ᑳᒻᐳᓪ, ᐃᖃᓗᖕᒥᐅᑕᖅᑕᐅᖅ, ᐊᕐᕌᒍᓄᑦ ᒪᕐᕉᖕᓄᑦ ᐃᓕᓐᓂᐊᓕᖅᑐᖅ ᑕᐃᑲᓂ Dalhousie ᓯᓚᑦᑐᖅᓴᕐᕕᒡᔪᐊᖓᓂᑦ, ᐃᓕᓴᕆᔭᐅᔾᔪᑎᑖᕋᓱᒃᑐᑦ ᖃᐅᔨᓴᕐᓂᕐᒧᑦ (ᐱᕈᖅᓰᕕᓕᕆᓂᕐᒧᑦ) ᓇᓗᓇᐃᖅᑕᐅᓯᒪᙱᑦᑐᒥ ᐆᒪᔪᓕᕆᓂᕐᒧᑦ.
“ᖁᕕᐊᓱᒃᐳᒍᑦ ᓱᓕᒃᑲᓐᓂᖅ ᑐᓂᓯᔪᓐᓇᕋᑦᑕ ᑖᔅᓱᒥᖓ ᐃᓕᓐᓂᐊᕐᓂᕐᒧᑦ ᐃᑲᔫᑎᒥᒃ ᐱᓕᕆᖃᑎᒋᓗᒋᑦ ᒧᐊᕐ ᐃᓚᒌᑦ, ᐱᐅᓯᕚᓪᓕᖅᑎᑦᑎᑐᐃᓐᓇᖏᑦᑐᖅ ᐃᓅᓯᖏᓐᓂᒃ ᓄᓇᕗᒻᒥᐅᑦ ᑭᓯᐊᓂ ᑲᔪᓯᑎᑦᑎᔪᖅ ᐊᒃᑐᐃᓂᕆᓚᐅᖅᑕᖓᓂᒃ ᑖᓂᐅᓪ ᓄᓇᕗᓕᒫᒥ.” ᐅᖃᖅᑐᖅ ᕋᐃᐊᓐ ᐆᓕᕗ, ᓴᖅᑭᑦᑎᔨ ᐊᒻᒪ ᐊᐅᓚᑦᑎᔨᒻᒪᕆᒃ Ampere-ᑯᓐᓄᑦ.
ᐱᓐᖑᐊᖅ ᑲᑐᔾᔨᖃᑎᖃᖅᓯᒪᕗᖅ ᒧᐊᒃᑯᑦ ᐃᓚᒌᓂᒃ ᑮᓇᐅᔭᖃᖅᑎᑦᑎᖁᓪᓗᒋᑦ ᑲᔪᓯᑎᑦᑎᖁᓪᓗᒋᑦ ᐃᓕᓐᓂᐊᕐᓂᕐᒧᑦ ᐃᑲᔫᑎᓂᒃ ᐊᕐᕌᒍᓄᑦ ᖁᓕᓄᑦ ᐊᒻᒪ ᐅᖃᖃᑎᖃᖅᐸᓪᓕᐊᓪᓗᑎᒃ ᑲᑐᔾᔨᖃᑎᒋᔪᓐᓇᖅᑕᒥᓂᒃ ᐊᖏᒡᓕᒋᐊᖅᑕᐅᖁᓪᓗᒍ ᐊᑯᓂᐅᓂᑐᐃᓐᓇᐅᖏᑦᑐᖅ ᑭᓯᐊᓂᓕ ᖃᓄᑎᒋᐅᓂᖓ. 2022-ᒥ, ᐱᓐᖑᐊᖅ ᓴᖅᑭᑦᑎᓚᐅᖅᑐᖅ ᑐᓂᕐᕈᓯᐊᒃᓴᓂᒃ ᑐᓂᓯᔪᒪᔪᓂᑦ ᐃᑲᔫᑎᒃᓴᓄᑦ ᐃᓕᓐᓂᐊᕈᑎᒃᓴᓄᑦ. ᑐᓂᕐᕈᓯᐊᑦ ᑐᓂᔭᐅᔪᓐᓇᖅᑐᑦ ᐅᕗᖓ go.pinnguaq.com/foundation.
ᑕᑕᑎᕆᔾᔪᑏᑦ ᐊᕐᕌᒍᒧᑦ 2025 ᐃᓕᓐᓂᐊᖅᑐᓄᑦ ᐃᑲᔫᑎᒃᓴᑦ ᐊᑐᐃᓐᓇᐅᓕᖅᑐᑦ ᑎᑭᓪᓗᒍ 11:59 ᐅᓐᓄᐊᒃᑯᑦ ᔫᓂ 30, 2025−ᒥᑦ. ᐃᓕᓐᓂᐊᕐᓂᕐᒧᑦ ᐃᑲᔫᑏᑦ ᐊᑐᐃᓐᓇᐅᑎᑕᐅᕗᑦ ᑭᓯᐊᓂ ᓄᓇᕗᒻᒥᐅᓄᑦ ᐃᑲᔪᖅᑐᐃᔪᒪᓪᓗᑎᒃ ᐃᓕᓐᓂᐊᕐᕕᖕᒥᑦ ᐃᓕᓐᓂᐊᕐᕕᐅᙱᑦᑐᒥᒡᓘᓐᓃᑦ ᐃᓕᓐᓂᐊᕐᓂᕐᒥᒃ ᐊᔪᕈᓐᓃᖅᓴᓂᕐᒥᒡᓗ. ᑕᒪᒃᑭᖅᖢᒋᑦ ᑐᒃᓯᕋᐅᑎᓕᐅᕐᓂᕐᒧᑦ ᒪᓕᒃᑕᐅᔭᕆᐊᓖᑦ ᐊᒻᒪᓗ ᑎᓕᓯᔾᔪᑏᑦ ᐊᒻᒪᓗᑦᑕᐅᖅ ᐃᓕᓐᓂᐊᕈᑎᒃᓴᑦ ᐱᓐᖑᐊᖅ ᓴᓇᓯᒪᖕᒥᔭᖏᑦ ᑖᓂᐅᓪ ᐃᖅᑲᐅᒪᔭᐅᓂᖓᓂᑦ, ᓇᓂᔭᐅᔪᓐᓇᖅᑐᑦ ᐅᕙᓂ https://amp.ca/grow/high-school-students/scholarships.
Ampere−ᑯᑦ ᒥᒃᓵᓄᑦ:
ᐊᕐᕌᒍᑦ ᖁᓕᑦ ᐅᖓᑖᓄᑦ, Ampere−ᑯᑦ ᐱᓕᕆᖃᑎᖃᖅᓯᒪᕗᖅ ᓄᓇᓕᕋᓛᖑᓂᖅᓴᓂᑦ, ᐅᖓᓯᒋᔭᐅᔪᓂᑦ ᐊᒻᒪ ᐃᓄᐃᑦ ᓄᓇᓕᖏᓐᓂ ᐊᑐᐃᓐᓇᐅᑎᑦᑎᓂᕐᒥᑦ ᖃᐅᔨᓴᖅᑐᓕᕆᕐᓂᕐᒧᑦ, ᖃᕆᓴᐅᔭᓕᕆᓂᕐᒧᑦ, ᐋᖅᑭᒃᓱᓂᕐᒧᑦ, ᓴᓇᓐᖑᐊᕐᓂᕐᒧᑦ ᐊᒻᒪ ᓈᓴᐅᓯᕆᓂᕐᒧᑦ (STEAM) ᐃᓕᓐᓂᐊᕐᓂᐅᔪᒥ ᐊᒻᒪ ᐱᕕᒃᓴᐅᔪᓂ. ᓴᖅᑭᑕᐅᓚᐅᖅᑐᖅ ᐸᖕᓂᖅᑑᒥᑦ, ᓄᓇᕗᒻᒥᑦ, Ampere-ᑯᑦ ᐊᑐᖃᑦᑕᖅᑐᖅ ᐃᓅᓯᕐᒧᑦ ᑐᕌᖓᔪᒥᒃ ᖃᐅᔨᒪᑦᑎᐊᖁᓪᓗᒋᑦ ᐃᑲᔪᖅᑐᐃᓂᖏᑦ ᐃᓕᓐᓂᐊᖅᑎᓂᒃ ᖃᓄᑐᐃᓐᓇᖅ ᐅᑭᐅᖃᕋᓗᐊᖅᑎᓪᓗᒋᑦ, ᐊᒻᒪᓗ ᖃᓄᑐᐃᓐᓇᖅ ᐃᓅᓯᕐᓄ. Ampere-ᑯᑦ ᐱᓕᕆᐊᒃᓴᓂᒃ ᑐᓂᓯᖃᑦᑕᖅᑐᑦ ᑐᕌᑲᐅᑎᒋᔪᒃᑯᑦ ᖃᕆᓴᐅᔭᓕᕆᕝᕕᖕᓄᑦ ᐃᖃᓗᖕᓂ, ᓄᓇᕗᒻᒥᑦ, ᓂᐅ ᐳᕋᓐᓱᐃᒃᒥᑦ ᐊᒻᒪᓗ ᑲᖏᖅᖠᓂᕐᒥᑦ, ᐋᓐᑎᐅᕆᐅᒥᑦ, ᐊᒻᒪᓗ ᐱᓕᕆᖃᑎᖃᖃᑦᑕᖅᖢᑎᒃ ᓄᓇᓕᖕᓂ ᐱᓕᕆᖃᑎᒋᔭᒥᓂᒃ, ᐃᓅᓯᓕᕆᓂᕐᒧᑦ ᑲᑐᔾᔨᖃᑎᒌᓂᒃ, ᒐᕙᒪᒃᑯᑦ ᑮᓇᐅᔭᖃᖅᑎᑦᑎᔨᖏᓐᓂᒃ ᐊᒻᒪᓗ ᐃᓕᓐᓂᐊᕐᕕᖕᓂᒃ ᓯᔾᔭᒥ ᓯᔾᔭᒧᑦ.