20/06/2025 - (ᐃᖃᓗᐃᑦ, ᓄᓇᕗᑦ) - Ampere−ᑯᑦ (ᐱᓐᖑᐊᖑᓚᐅᖅᑐᑦ ᑲᑐᔾᔨᖃᑎᒌᑦ), ᐱᓕᕆᖃᑎᖃᖅᖢᑎᑦ ᑖᒃᑯᓂᖓ ᒧᐊᕐ ᐃᓚᒌᓄᑦ, ᐅᐱᒍᓱᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᑐᒃᓯᕋᐅᑎᓕᐅᖁᔨᓂᕐᒥᑦ ᐊᕐᕌᒍᒧᑦ 2025−ᒥᑦ Danielle Moore Scholarship, ᑮᓇᐅᔭᑦ ᑐᓂᔭᐅᒃᐸᑕ ᐊᑕᐅᓯᕐᒧᑦ ᐅᓄᕐᓂᖅᓴᓄᓪᓘᓐᓃᑦ ᓄᓇᕗᒻᒥᐅᓄᑦ ᐃᑲᔪᖅᑐᐃᔾᔪᑕᐅᓂᐊᖅᑐᓂᒃ ᐃᓕᓐᓂᐊᕐᕕᖕᒥ ᐅᕝᕙᓘᓐᓃᑦ ᐃᓕᓐᓂᐊᕐᕕᐅᙱᑦᑐᒥ ᐃᓕᓐᓂᐊᕐᓂᕐᒥᒃ ᐊᔪᕈᓐᓃᖅᓴᓂᕐᒥᒡᓗ. Applications ᒫᓐᓇ ᐊᑐᐃᓐᓇᐅᓕᖅᑐᑦ, ᐊᒻᒪ ᑕᑕᑎᕆᔭᕆᐊᓕᒃᑎᑭᓪᓗᒍ 11:59 ᐅᓐᓄᐊᒃᑯᑦ ᔫᓂ 30, 2025.
ᓴᖅᑭᑕᐅᓚᐅᖅᑐᖅ ᐊᐃᕐᕆᓕ 2022−ᒥᑦ, ᑖᓂᐅᓪ ᒧᐊ ᐃᓕᓐᓂᐊᕈᑎᒃᓴᖅ ᐃᖅᑲᐅᒪᔭᐅᓂᖓᓄᑦ ᐊᑎᖓ. ᑖᓂᐅᓪ ᐃᓕᓴᐃᔨᐅᓚᐅᖅᑐᖅ Ampere−ᑯᓐᓂᑦ ᐃᖃᓗᐃᑦ ᖃᕆᓴᐅᔭᓕᕆᕝᕕᐊᓂ ᐊᒻᒪᓗ ᐃᓅᓯᕐᒥᓂᒃ ᑐᓂᓯᓪᓗᓂ ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ, ᐊᒻᒪᓗ ᐊᑐᖅᓯᒪᓪᓗᓂ ᓄᑖᓂᒃ ᐊᒻᒪᓗ ᖃᕆᓴᐅᔭᒃᑯᑦ ᐱᔪᓐᓇᕐᓂᐅᔪᓂᒃ ᑭᓱᓕᒫᓄᑦ ᐱᓕᕆᐊᕆᕙᑦᑕᒥᓄᑦ. ᑖᓂᐅᓪ Kenya-ᒨᓚᐅᕐᒪᑦ ᑭᒡᒐᖅᑐᐃᔭᖅᑐᖅᖢᓂ ᑲᓇᑕᒥᒃ ᓄᓇᕐᔪᐊᕐᒥ ᑲᑐᔾᔨᖃᑎᒌᑦ ᐊᕙᑎᓕᕆᓂᕐᒧᑦ ᑲᑎᒪᑎᓪᓗᒋᑦ ᖃᖓᑕᓲᒥ ET302-ᒥ ᑲᑕᒃᑎᓪᓗᒍ ᐃᑎᐅᐱᐊᒥ.
ᑕᐃᑲᓂ 2024−ᒥᑦ, ᑎᓴᒪᓂᑦ ᓄᓇᕗᒥᐅᑕᕐᓂᑦ ᑐᓂᔭᐅᓚᐅᖅᑐᑦᐃᑲᔫᑎᒃᓴᒥᑦ, ᐊᑐᓂ ᑮᓇᐅᔭᖅᑖᓚᐅᖅᑐᑦ $3,000 ᑖᓚᒥᑦ ᑮᓇᐅᔭᓄᑦ ᐃᑲᔪᖅᖢᒋᑦ ᐃᓕᓐᓂᐊᕈᑎᖏᓐᓄᑦ. ᕼᐊᐃᓕ ᐊᕐᓇᕐᔪᐊᖅ ᓴᓂᕋᔭᖕᒥᐅᑕᖅ ᓯᕗᓪᓕᖅᐹᒥᑦ ᐊᕐᕌᒍᒥᑦ ᐃᓕᓐᓂᐊᓚᐅᖅᑐᖅ ᓄᓇᖃᖅᑳᑐᓄᑦ ᑕᐃᔭᐅᔪᒥᑦ STEM ᐃᓕᓐᓂᐊᒐᒃᓴᖅ ᑕᐃᑲᓂ Lakehead ᓯᓚᑦᑐᖅᓴᕐᕕᒡᔪᐊᖓᓂ. ᐊᕐᕌᒍᓄᑦ ᐱᖓᓱᓄᑦ ᐃᓕᓐᓂᐊᖅᑎᐅᔪᖅ, ᑳᓐᑎ ᐃᕗᓂᑦᑕᓐᓇᖅ ᓇᐅᔮᓂᕐᒥᐅᑕᖅ, ᐃᓕᓐᓂᐊᓚᐅᖅᑐᖅ ᐃᓕᓴᐃᔨᒃᓴᐅᓂᕐᒧᑦ ᓄᓇᕗᑦ ᓯᓚᑦᑐᖅᓴᕐᕕᖓᓂᑦ. ᐊᐅᕋ ᒃᕚᓐ ᐃᖃᓗᖕᓂᓐᖔᖅᑐᖅ ᓯᕗᓪᓕᕐᒥᑦ ᐊᕐᕌᒍᒥᑦ ᐃᓕᓐᓂᐊᖅᑎᐅᔪᖅ ᓯᓚᑦᑐᖅᓴᕐᕕᒡᔪᐊᒥᑦ ᑐᕌᓐᑐᒥᑦ ᓂᔾᔭᐅᓯᔭᕐᓂᕐᒧᑦ ᐃᓕᓴᕆᔭᐅᔾᔪᑎᑖᕋᓱᒃᑐᑦ, ᑕᐅᑐᒐᖃᖅᖢᑎᒃ ᓂᔾᔭᐅᓯᔭᕐᓂᕐᒧᑦ ᐃᓕᓐᓂᐊᕐᓂᕐᒥᒃ. ᐊᒻᒪ ᑭᐅᕋ ᑳᒻᐳᓪ, ᐃᖃᓗᖕᒥᐅᑕᖅᑕᐅᖅ, ᐊᕐᕌᒍᓄᑦ ᒪᕐᕉᖕᓄᑦ ᐃᓕᓐᓂᐊᓕᖅᑐᖅ ᑕᐃᑲᓂ Dalhousie ᓯᓚᑦᑐᖅᓴᕐᕕᒡᔪᐊᖓᓂᑦ, ᐃᓕᓴᕆᔭᐅᔾᔪᑎᑖᕋᓱᒃᑐᑦ ᖃᐅᔨᓴᕐᓂᕐᒧᑦ (ᐱᕈᖅᓰᕕᓕᕆᓂᕐᒧᑦ) ᓇᓗᓇᐃᖅᑕᐅᓯᒪᙱᑦᑐᒥ ᐆᒪᔪᓕᕆᓂᕐᒧᑦ.
“ᖁᕕᐊᓱᒃᐳᒍᑦ ᓱᓕᒃᑲᓐᓂᖅ ᑐᓂᓯᔪᓐᓇᕋᑦᑕ ᑖᔅᓱᒥᖓ ᐃᓕᓐᓂᐊᕐᓂᕐᒧᑦ ᐃᑲᔫᑎᒥᒃ ᐱᓕᕆᖃᑎᒋᓗᒋᑦ ᒧᐊᕐ ᐃᓚᒌᑦ, ᐱᐅᓯᕚᓪᓕᖅᑎᑦᑎᑐᐃᓐᓇᖏᑦᑐᖅ ᐃᓅᓯᖏᓐᓂᒃ ᓄᓇᕗᒻᒥᐅᑦ ᑭᓯᐊᓂ ᑲᔪᓯᑎᑦᑎᔪᖅ ᐊᒃᑐᐃᓂᕆᓚᐅᖅᑕᖓᓂᒃ ᑖᓂᐅᓪ ᓄᓇᕗᓕᒫᒥ.” ᐅᖃᖅᑐᖅ ᕋᐃᐊᓐ ᐆᓕᕗ, ᓴᖅᑭᑦᑎᔨ ᐊᒻᒪ ᐊᐅᓚᑦᑎᔨᒻᒪᕆᒃ Ampere-ᑯᓐᓄᑦ.
ᐱᓐᖑᐊᖅ ᑲᑐᔾᔨᖃᑎᖃᖅᓯᒪᕗᖅ ᒧᐊᒃᑯᑦ ᐃᓚᒌᓂᒃ ᑮᓇᐅᔭᖃᖅᑎᑦᑎᖁᓪᓗᒋᑦ ᑲᔪᓯᑎᑦᑎᖁᓪᓗᒋᑦ ᐃᓕᓐᓂᐊᕐᓂᕐᒧᑦ ᐃᑲᔫᑎᓂᒃ ᐊᕐᕌᒍᓄᑦ ᖁᓕᓄᑦ ᐊᒻᒪ ᐅᖃᖃᑎᖃᖅᐸᓪᓕᐊᓪᓗᑎᒃ ᑲᑐᔾᔨᖃᑎᒋᔪᓐᓇᖅᑕᒥᓂᒃ ᐊᖏᒡᓕᒋᐊᖅᑕᐅᖁᓪᓗᒍ ᐊᑯᓂᐅᓂᑐᐃᓐᓇᐅᖏᑦᑐᖅ ᑭᓯᐊᓂᓕ ᖃᓄᑎᒋᐅᓂᖓ. 2022-ᒥ, ᐱᓐᖑᐊᖅ ᓴᖅᑭᑦᑎᓚᐅᖅᑐᖅ ᑐᓂᕐᕈᓯᐊᒃᓴᓂᒃ ᑐᓂᓯᔪᒪᔪᓂᑦ ᐃᑲᔫᑎᒃᓴᓄᑦ ᐃᓕᓐᓂᐊᕈᑎᒃᓴᓄᑦ. ᑐᓂᕐᕈᓯᐊᑦ ᑐᓂᔭᐅᔪᓐᓇᖅᑐᑦ ᐅᕗᖓ go.pinnguaq.com/foundation.
ᑕᑕᑎᕆᔾᔪᑏᑦ ᐊᕐᕌᒍᒧᑦ 2025 ᐃᓕᓐᓂᐊᖅᑐᓄᑦ ᐃᑲᔫᑎᒃᓴᑦ ᐊᑐᐃᓐᓇᐅᓕᖅᑐᑦ ᑎᑭᓪᓗᒍ 11:59 ᐅᓐᓄᐊᒃᑯᑦ ᔫᓂ 30, 2025−ᒥᑦ. ᐃᓕᓐᓂᐊᕐᓂᕐᒧᑦ ᐃᑲᔫᑏᑦ ᐊᑐᐃᓐᓇᐅᑎᑕᐅᕗᑦ ᑭᓯᐊᓂ ᓄᓇᕗᒻᒥᐅᓄᑦ ᐃᑲᔪᖅᑐᐃᔪᒪᓪᓗᑎᒃ ᐃᓕᓐᓂᐊᕐᕕᖕᒥᑦ ᐃᓕᓐᓂᐊᕐᕕᐅᙱᑦᑐᒥᒡᓘᓐᓃᑦ ᐃᓕᓐᓂᐊᕐᓂᕐᒥᒃ ᐊᔪᕈᓐᓃᖅᓴᓂᕐᒥᒡᓗ. ᑕᒪᒃᑭᖅᖢᒋᑦ ᑐᒃᓯᕋᐅᑎᓕᐅᕐᓂᕐᒧᑦ ᒪᓕᒃᑕᐅᔭᕆᐊᓖᑦ ᐊᒻᒪᓗ ᑎᓕᓯᔾᔪᑏᑦ ᐊᒻᒪᓗᑦᑕᐅᖅ ᐃᓕᓐᓂᐊᕈᑎᒃᓴᑦ ᐱᓐᖑᐊᖅ ᓴᓇᓯᒪᖕᒥᔭᖏᑦ ᑖᓂᐅᓪ ᐃᖅᑲᐅᒪᔭᐅᓂᖓᓂᑦ, ᓇᓂᔭᐅᔪᓐᓇᖅᑐᑦ ᐅᕙᓂ https://amp.ca/grow/high-school-students/scholarships.
Ampere−ᑯᑦ ᒥᒃᓵᓄᑦ:
ᐊᕐᕌᒍᑦ ᖁᓕᑦ ᐅᖓᑖᓄᑦ, Ampere (ᐱᓐᖑᐊᖅ ᑲᑐᔾᔨᖃᑎᒌᖑᓚᐅᖅᑐᖅ) ᐱᓕᕆᖃᑎᖃᖅᓯᒪᕗᖅ ᓄᓇᓕᕋᓛᖑᓂᖅᓴᓂᒃ, ᐅᖓᓯᒃᑐᒦᑦᑐᓂᒃ ᐊᒻᒪ ᐃᓄᐃᑦ ᓄᓇᓕᖏᓐᓂᒃ ᐊᑐᐃᓐᓇᐅᑎᑦᑎᓇᓱᒃᖢᑎᒃ ᖃᐅᔨᓴᖅᑐᓕᕆᓂᕐᒧᑦ, ᖃᕆᓴᐅᔭᓕᕆᓂᕐᒧᑦ, ᐋᖅᑭᒃᓱᐃᓂᕐᒧᑦ, ᓴᓇᙳᐊᕐᓂᕐᒧᑦ ᐊᒻᒪ ᓈᓴᐅᓯᕆᓂᕐᒧᑦ (STEAM) ᐃᓕᓐᓂᐊᕈᑎᒃᓴᓂᒃ ᐊᒻᒪ ᐱᕕᒃᓴᓂᒃ. ᓴᖅᑭᑕᐅᓚᐅᖅᑐᖅ ᐸᖕᓂᖅᑑᒥ, ᓄᓇᕗᒻᒥ, Ampere-ᑯᑦ ᐊᑐᖃᑦᑕᖅᑐᖅ ᐃᓅᓯᕐᒧᑦ ᑐᕌᖓᔪᒥᒃ ᖃᐅᔨᒪᑦᑎᐊᖁᓪᓗᒋᑦ ᐃᑲᔪᖅᑐᐃᓂᖏᑦ ᐃᓕᓐᓂᐊᖅᑎᓂᒃ ᖃᓄᑐᐃᓐᓇᖅ ᐅᑭᐅᖃᕋᓗᐊᖅᑎᓪᓗᒋᑦ, ᐊᒻᒪᓗ ᖃᓄᑐᐃᓐᓇᖅ ᐃᓅᓯᕐᒥ. Ampere-ᑯᑦ ᐱᓕᕆᐊᒃᓴᓂᒃ ᑐᓂᓯᖃᑦᑕᖅᑐᑦ ᑐᕌᑲᐅᑎᒋᔪᒃᑯᑦ ᖃᕆᓴᐅᔭᓕᕆᕝᕕᖕᒥᑦ ᐃᖃᓗᖕᓂ, ᓄᓇᕗᒻᒥ, ᐊᒻᒪᓗ Kawartha Lakes−ᖑᔪᓄᑦ, ᐋᓐᑎᐅᕆᔫᒥ, ᐊᒻᒪᓗ ᐱᓕᕆᖃᑎᖃᖃᑦᑕᖅᖢᑎᒃ ᑐᕌᑲᐅᑎᒋᔪᓂᒃ ᓄᓇᓕᖕᓂ ᐱᓕᕆᖃᑎᒋᔭᒥᓂᒃ, ᐃᓅᓯᓕᕆᓂᕐᒧᑦ ᑲᑐᔾᔨᖃᑎᒌᓂᒃ, ᒐᕙᒪᒃᑯᑦ ᑮᓇᐅᔭᖃᖅᑎᑦᑎᔨᖏᓐᓂᒃ ᐊᒻᒪᓗ ᐃᓕᓐᓂᐊᕐᕕᖕᓂᒃ ᓯᔾᔭᒥ ᓯᔾᔭᒧᑦ ᓯᔾᔭᒧᑦ.