ᐃᖃᓗᐃᑦ, ᓄᓇᕗᑦ, ᔪᓚᐃ 15, 2026 — Ampere−ᑯᑦ (ᐱᓐᖑᐊᖅ ᑲᑐᔾᔨᖃᑎᒌᖑᓚᐅᖅᑐᑦ), ᐱᓕᕆᖃᑎᖃᖅᖢᑎᒃ ᒧᐊᕐᑯᑦ ᐃᓚᒌᓂᑦ, ᑐᓴᖅᑎᑦᑎᔪᒪᕗᑦ ᑖᒃᑯᓂᖓ ᐱᖓᓱᓂᑦ ᓄᓇᕗᒻᒥᐅᓂᑦ ᑐᓂᔭᐅᖕᒪᑕ 2026-ᒥᑦ ᑕᓂᐅᓪ ᒧᐊᕐ ᐃᓕᓐᓂᐊᕐᓂᕐᒧᑦ ᐃᑲᔫᑎ ᐊᒻᒪ ᑐᓂᔭᐅᓗᑎᒃ $3,000 ᑖᓚᓂᑦ ᑭᒡᓕᖃᖅᑎᑕᐅᖏᑦᑐᖅ ᐃᑲᔫᑎ ᐃᓕᓐᓂᐊᕐᓂᖏᓐᓄᑦ.
ᑖᓐᓇ 2025 ᑕᓂᐅᓪ ᒧᐊᕐ ᐃᓕᓐᓂᐊᖅᑎᓄᑦ ᐃᑲᔫᑎ ᓵᓚᖃᖅᑐᑦ ᐅᑯᐊ:
- ᓂᑰᓪ ᐊᒪᕈᐊᓕᒃ (ᐃᖃᓗᐃᑦ) - ᐊᕐᕌᒍᓄᑦ ᑕᓪᓕᒪᓄᑦ ᐃᓕᓐᓂᐊᖅᑐᖅ ᑕᕝᕙᓂ ᓄᓇᕗᑦ ᓯᓚᑦᑐᖅᓴᕐᕕᖓᓂᑦ ᐃᓕᓴᐃᔨᒃᓴᐅᓂᕐᒧᑦ
- ᐅᓃᔅ ᑲᓪᓗᒃ (ᐃᒃᐱᐊᕐᔪᒃ) - ᐊᕐᕌᒍᓄᑦ ᑎᓴᒪᓄᑦ ᐃᓕᓐᓂᐊᖅᑐᖅ ᑕᕝᕙᓂ ᓄᓇᕗᑦ ᓯᓚᑦᑐᖅᓴᕐᕕᖓᓂᑦ ᐃᓕᓴᐃᔨᒃᓴᐅᓂᕐᒧᑦ
- ᒥᐅᕋᓐ ᕼᐊᐃᕗᑦ (ᐃᖃᓗᐃᑦ) -ᑐᒡᓕᐊᓂ ᐊᕐᕌᒍᒥ ᖃᐅᔨᓴᕐᓂᕐᒧᑦ (ᐆᒪᔪᓕᕆᓂᕐᒧᑦ) ᐃᓕᓐᓂᐊᖅᑐᖅ ᑕᐃᑲᓂ ᒪᐅᓐᑦ ᐋᓕᓴᓐ ᓯᓚᑦᑐᖅᓴᕐᕕᒡᔪᐊᖓᓂ.
ᑖᓐᓚ Danielle Moore Scholarship, ᓄᓇᕗᒻᒥᐅᓄᑦ ᑭᓯᐊᓂ ᐊᑐᐃᓐᓇᐅᔪᖅ, ᐃᑲᔫᑎᖃᖃᑦᑕᖅᑐᖅ ᐃᑲᔫᓯᐊᖃᑦᑕᖅᑐᓂᒃ ᑲᔪᓰᓐᓇᖅᑐᑎᒍᑦ ᐃᓕᓐᓂᐊᕐᓂᒃᑯᑦ ᐃᓕᓐᓂᐊᕐᓂᐅᖏᑦᑐᒃᑯᓪᓗ ᐊᒻᒪᓗ ᐊᔪᕈᓐᓃᖅᓴᓂᕐᒥᒃ. ᑖᓐᓇ ᐃᓕᓐᓂᐊᕈᑎᒃᓴᖅ ᓴᖅᑭᑕᐅᓚᐅᖅᑐᖅ 2022-ᒥ ᐃᖅᑲᐅᒪᔭᐅᖁᓪᓗᒍ ᑖᓂᐅᓪ ᒧᐊᕐ, ᐃᓕᓴᐃᔨᐅᓚᐅᖅᑐᖅ Ampere−ᑯᓐᓂᑦ ᐃᖃᓗᐃᑦ ᖃᕆᓴᐅᔭᓕᕆᕝᕕᐊᓂ. ᑖᓂᐅᓪ ᑭᐊᓪᔭᒧᑦ ᐊᐅᓪᓚᖅᓯᒪᓚᐅᖅᑐᖅ ᑭᒡᒐᖅᑐᐃᔭᖅᑐᖅᖢᓂ ᑲᓇᑕᒥᒃ ᓄᓇᕐᔪᐊᕐᒥ ᑲᑐᔾᔨᖃᑎᒌᑦ ᐊᕙᑎᓕᕆᓂᕐᒧᑦ ᑲᑎᒪᕕᒡᔪᐊᖅᑎᓪᓗᒋᑦ ᖃᖓᑕᓲᒥ ET302-ᒥ ᑲᑕᒃᑎᓪᓗᒍ ᐃᑎᐅᐱᐊᒥᑦ ᒫᔾᔨ 10, 2019. ᐅᓪᓗᒥᒧᑦ ᑎᑭᖦᖢᒍ, Ampere-ᑯᑦ ᑐᓂᓯᓯᒪᓕᖅᑐᖅ $45,000-ᓂᒃ ᐃᓕᓐᓂᐊᕈᑎᒃᓴᓂᒃ 16-ᓄᑦ ᑐᓂᔭᐅᓯᒪᔪᓄᑦ ᐊᑎᖓᒍᑦ.
“ᑕᒪᕐᒥᒃ ᑖᒃᑯᐊ ᓵᓚᒃᓴᖅᑐᑦ ᑐᕌᒐᖃᖅᐳᑦ ᐃᓕᓴᐃᔨᐅᓂᕐᒧᑦ ᐊᒻᒪ ᖃᐅᔨᒪᓂᕐᒥᒃ ᓯᕗᒧᐊᒃᑎᑦᑎᓂᕐᒧᑦ,” ᐅᖃᖅᑐᖅ ᕋᐃᔭᓐ ᐆᓕᕗ, ᐊᖓᔪᖅᑳᖅ Ampere-ᑯᓐᓄᑦ. “ᐅᖃᐅᓯᖃᖅᑐᐃᓐᓇᐅᓚᐅᖅᑐᑦ ᐊᕐᓇᐃᑦ ᐅᓄᕐᓂᖅᓴᐅᔭᕆᐊᖃᕐᓂᖏᓐᓂᒃ STEM-ᒧᑦ ᐃᖅᑲᓇᐃᔮᒃᓴᖏᓐᓄᑦ ᐅᕝᕙᓘᓐᓃᑦ ᐊᒃᓱᕈᕐᓇᖅᑐᓂᒃ ᐊᕐᓇᐃᑦ ᓵᙵᓂᕆᔭᖏᓐᓂᒃ ᑕᐃᒪᐃᑦᑐᓂᒃ ᐃᖅᑲᓇᐃᔮᖅᑖᕋᓱᒃᑎᓪᓗᒋᑦ, ᓱᓕᑦᑎᐊᕐᓂᖏᑦ ᐅᕙᑦᑎᓐᓄᑦ ᑐᓴᖅᑕᐅᓚᐅᖅᑐᑦ, ᐊᒻᒪᓗ ᓇᓗᓇᓐᖏᑦᑐᖅ ᑖᓂᐅᓪ ᖁᕕᐊᓱᒃᑲᔭᖅᑐᖅ ᖃᐅᔨᒪᓗᓂ ᐃᑲᔪᖅᑐᖅᑕᐅᓂᖏᓐᓂᒃ ᐊᑎᖓᒍᑦ.”
ᖁᔭᓐᓇᒦᒃ Ampere ᐃᖃᓗᐃᑦ ᖃᕆᓴᐅᔭᖃᕐᕕᐊᓂᑦᑦ ᐊᒻᒪᓗ ᑖᓂᐅᓪ ᒧᐊᕐ ᐃᓚᒌᓄᑦ ᐃᑲᔪᕐᓂᖃᑦᑎᐊᓚᐅᕐᒪᑕ ᐅᕙᓐᓄᑦ ᑐᓂᔭᐅᓪᓗᖓ ᑖᓂᐅᓪ ᒧᐊᕐ ᐃᓕᓐᓂᐊᕈᑎᒃᓴᓄᑦ ᐃᑲᔫᑎᒥᑦ,” ᐅᖃᖅᑐᖅ 2026-ᒥ ᐃᓕᓐᓂᐊᕈᑎᓄᑦ ᐃᑲᔫᑎᒧᑦ ᓂᑰᓪ ᐊᒪᕈᐊᓕᒃ ᓇᒃᓴᕐᓂᐊᖅᐸᒃᑲ ᑖᓂᐅᓪ ᑕᐅᑐᓐᖑᐊᖅᑕᖏᑦ, ᐊᒃᓱᕈᕐᓂᖏᑦ ᐊᒻᒪᓗ ᖁᕕᐊᒋᔭᖏᑦ STEM-ᑯᑦ ᐃᓕᓐᓂᐊᕈᑎᒋᓂᐊᖅᑕᓐᓄᑦ ᑕᕝᕙᓂ ᐃᓕᓐᓂᐊᕐᕕᒋᓂᐊᖅᑕᓐᓂᑦ. ᖁᑦᑎᖕᓂᖅᓴᓄᑦ ᐃᓕᓐᓂᐊᕐᓂᕐᒧᑦ, ᐃᓕᓐᓂᐊᕐᓂᕐᒧᑦ ᐃᑲᔫᑎᐅᔪᑦ ᐃᓕᒃᓯᑎᑐᑦ ᐊᔾᔨᒌᙱᑎᑦᑎᖕᒪᕆᖕᒪᑕ ᐃᓕᓐᓂᐊᖅᑎᐅᔪᑦ ᐃᓅᓯᖏᓐᓂᒃ, ᐱᖃᓯᐅᑎᓪᓗᒍ ᐅᕙᖓ, ᐊᒻᒪᓗ ᖁᔭᓕᑦᑎᐊᖅᑐᖓ.
2027-ᒥ ᑖᓂᐅᓪ ᒧᐊᕐ ᐃᓕᓐᓂᐊᕈᑎᒃᓴᓄᑦ ᑐᒃᓯᕋᐅᑎᓕᐅᕐᕕᒃᓴᖅ ᑐᓴᖅᑎᑕᐅᓂᐊᖅᑐᖅ ᐊᕐᕌᒍ ᐱᒋᐊᓕᓵᖅᑎᓪᓗᒍ. ᑐᑭᓯᒋᐊᒃᑲᓐᓂᕈᑎᒃᓴᐃᑦ ᐊᑐᐃᓐᓇᐅᔪᑦ ᐅᕙᓂ amp.ca/grow/high-school-students/scholarships/.
ᖃᐅᔨᒋᐊᕐᕕᒃᓴᖅ
ᕌᐸᓐ ᔭᐃᒻᔅ
ᐊᖓᔪᖅᑳᖅ ᓂᐅᕐᕈᑎᖃᕋᓱᖕᓂᕐᒧᑦ
robyn.j@amp.ca