Ampere−ᑯᑦ (ᐱᓐᖑᐊᖅ ᑲᑐᔾᔨᖃᙱᒌᖑᓚᐅᖅᑐᖅ), ᐱᓕᕆᖃᑎᖃᖅᖢᑎᒃ ᑖᔅᓱᒪ ᒧᐊᕐ ᐃᓚᖏᓐᓂᑦ, ᑐᓴᖅᑎᑦᑎᔪᒪᕗᖅ ᑖᒃᑯᐊ ᑎᓴᒪᑦ ᓄᓇᕗᒻᒥᐅᑦ ᑐᓂᔭᐅᓚᐅᕐᒪᑕ 2025−ᒥᑦ ᑕᓂᐅᓪ ᒧᐊᕐ ᐃᓕᓐᓂᐊᖅᑐᓄᑦ ᐃᑲᔫᑎ. ᑖᒃᑯᐊ ᐊᑐᓂ ᑐᓂᔭᐅᓂᐊᖅᑐᑦ $3,000 ᑖᓚᒥᑦ ᐃᑲᔫᑎᐅᔪᖅ ᐃᓕᓐᓂᐊᕐᕈᑎᒋᔭᖏᓐᓄᑦ.
ᑖᓐᓇ 2025−ᒥᑦ ᑕᓂᐅᓐ ᒧᐊᕐ ᐃᓕᓐᓂᐊᖅᑐᓄᑦ ᐃᑲᔫᑎ ᓵᓚᒃᓴᓚᐅᖅᑐᑦ ᐅᑯᐊ:
- ᐊᓚᐃᓇ ᓂᖏᐅᓐᖓᑦ ᑲᖏᖅᖠᓂᕐᒥᐅᑕᖅ
- ᑲᐃᑦᓚᓐ (ᔅᑖ) ᒪᒃᓚᐃᓐ ᓴᓪᓕᕐᒥᐅᑕᖅ
- ᒫᓯᐊ ᐊᖓᓕᑦ ᐊᕐᕕᐊᕐᒥᐅᑕᖅ
- ᒪᐃᒐᓐ ᕿᓚᕝᕙᖅ ᐸᖕᓂᖅᑑᒥᐅᑕᖅ
ᑖᓐᓇ ᑖᓂᐅᓪ ᒧᐊᕐ ᐃᓕᓐᓂᐊᖅᑐᓄᑦ ᐃᑲᔫᑎ Danielle Moore Scholarship, ᐊᑐᐃᓐᓇᐅᔪᖅ ᓄᓇᕗᒻᒥᐅᓄᑦ, ᐃᑲᔪᖅᑐᖅ ᑲᔪᓯᓂᖃᖅᑐᓄᑦ ᐃᓕᓐᓂᐊᖅᑐᓄᑦ ᐊᒻᒪ ᐃᓕᓐᓂᐊᕐᕕᐅᖏᑦᑐᓄᑦ ᐃᓕᓐᓂᐊᖅᑐᓄᑦ ᐊᒻᒪ ᐊᔪᕈᓐᓃᖅᓴᕐᓂᕐᒧᑦ. ᑖᓐᓇ ᐃᓕᓐᓂᐊᖅᑐᓄᑦ ᐃᑲᔫᑎ ᓴᖅᑭᑕᐅᓚᐅᖅᑐᖅ 2022−ᒥᑦ, ᐃᖅᑲᒪᐅᒪᓂᐅᓪᓗᓂ ᑖᓂᐅᓪ ᒧᐊᕐᒧᑦ, ᐃᓕᓴᐃᔨᐅᓚᖅᑐᖅ ᑕᕝᕙᓂ Ampere−ᑯᓐᓂᑦ ᐃᖃᓗᖕᓂᑦ ᖃᕆᓴᐅᔭᓕᕆᕝᕕᐊᓂᑦ. ᑖᓐᓇ ᑖᓂᐅᓪ ᐊᐅᓪᓚᓚᐅᖅᑐᖅ ᑕᐃᑯᖓ ᑲᓐᔨᐊᒧᑦ ᑭᒡᒐᖅᑐᐃᓗᓂ ᑲᓇᑕᒥᑦ ᓄᓇᕐᔪᐊᓄᑦ ᑲᑐᔾᔨᖃᑎᒌᑦ ᐊᕙᑎᓕᕆᓂᕐᒧᑦ ᑲᑎᒪᕕᒡᔪᐊᕐᓂᕐᒧᑦ ᖃᖓ ᑕᓚᐅᖅᑐᖅ ᖃᖓᑕᓲᒧᑦ ET302−ᒧᑦ ᑲᑕᓚᐅᖅᑐᖅ ᑕᐃᑲᓂ ᐃᑎᐅᐱᐊᒥᑦ. ᒫᓐᓇᒧᑦ, ᑖᒃᑯᐊ Ampere-ᑯᑦ ᓴᖅᑭᑎᑦᑎᕗᑦ &3,000 ᑖᓚᒥᑦ ᐃᓕᓐᓂᐊᖅᑐᓄᑦ ᐃᑲᔫᑎᒥᑦ 13−ᖑᔪᓄᑦ ᑐᓂᔭᐅᔪᓄᑦ ᐊᑎᖓ ᐊᑐᖅᖢᒍ.
“ᐱᒃᑯᓇᑦᑎᐊᓚᐅᖅᐳᖅ ᐅᖃᓕᒫᖅᖢᓂ ᑕᒪᑐᒪᓂ ᐊᕐᕌᒍᒥᑦ ᐆᒃᑐᓚᐅᖅᑐᓂᑦ ᑖᔅᓱᒧᖓ ᑖᓂᐅᓪ ᒧᐊᕐᒧᑦ ᐃᓕᓐᓂᐊᖅᑐᓄᑦ ᐃᑲᔫᑎ. ᑲᔪᖏᖅᓴᐃᓐᓇᖅᐳᖅ ᐅᓄᖅᑐᓄᑦ ᓄᓇᕗᒻᒥᐅᓄᑦ ᐃᓅᓱᒃᑐᓄᑦ ᑲᔪᖏᖅᓴᐃᓪᓗᓂ ᐱᓕᕆᑦᑎᐊᕐᓂᕐᒥᑦ ᐊᒻᒪ ᐊᒃᑐᐃᓂᐅᔪᓂᑦ ᓄᓇᓕᒥᖕᓄᑦ.” ᕋᐃᔭᑦ ᐆᓕᕗ, ᓴᖅᑭᑦᑎᔨ ᐊᒻᒪ ᐊᖓᔪᖅᑳᖅ ᑖᒃᑯᓄᖓ Ampere−ᑯᓐᓄᑦ. “ᑕᐃᒪᓐᖓᑦ ᐋᖅᑭᒃᓯᒪᓂᐅᔪᒥᑦ ᐊᓯᔾᔨᕐᓂᐅᔪᒥᑦ ᐃᓕᓐᓂᐊᖅᑐᓕᕆᓂᕐᒥᒃ ᐊᕙᑎᓕᕆᓂᕐᒥᓪᓗ ᐊᑐᐊᒐᕐᓂᒃ ᐃᓕᓐᓂᐊᖅᑎᑦᑎᓇᓱᖕᓂᕐᒥᒃ ᐃᓄᖕᓂᒃ ᒪᒃᑯᑦᑐᓂᒃ ᐱᒻᒪᕆᐅᓂᖓᓂᑦ STEAM-ᖑᔪᖅ, ᑕᓂᐅᓪ ᑭᖑᕚᕆᓯᒪᔭᖏᑦ ᑲᔪᓯᓂᐊᖅᑐᑦ ᐱᓕᕆᐊᖑᓯᒪᔪᓄᑦ ᑐᓂᔭᐅᓯᒪᔪᓄᑦ.”
ᑕᓂᐅᓪ ᐃᓅᓯᕐᒥᓂᑦ ᑐᓂᓯᓯᒪᔪᖅ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪ ᐊᕙᑎᓕᕆᓂᕐᒧᑦ, ᑲᑎᓯᒪᐅᖅᑐᓄᑦ ᖃᕆᓴᐅᔭᓕᕆᓃᑦ ᐊᒻᒪ ᖃᕆᓴᐅᔭᓕᕆᔪᓐᓇᕐᓂᕐᒧᑦ ᑕᒪᐃᓐᓄᑦ ᐱᓕᕆᐊᒥᒍᑦ. ᐊᑐᓂᑦ ᓵᓚᒃᓴᖅᑐᑦ ᐆᒃᑑᑎᒋᔭᐅᕗᑦ ᓇᖏᕐᓂᕆᓚᐅᖅᑖᓂᑦ, ᖃᐅᔨᒃᑲᓐᓂᕆᑦ ᑖᒃᑯᓂᖓ ᐊᑖᓃᑦᑐᒥᑦ:
ᐊᓚᐃᓇ ᓂᖏᐅᓐᖓᑦ ᑲᖏᖅᖠᓂᕐᒥᐅᑕᖅ ᐃᓕᓐᓂᐊᖅᑐᖅ ᖁᑦᑎᖕᓂᖅᓴᒥᑦ ᐃᓕᓐᓂᐊᕐᓂᖅᑖᕐᓗᓂ ᒐᕙᒪᓕᕆᓂᕐᒥᑦ ᐊᒻᒪ ᓇᖕᒥᓂᖃᕐᓂᕐᒥᑦ ᐅᑭᐅᖅᑕᖅᑐᒥᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᐃᓂᒋᔭᖏᓐᓂᑦ (GENI−ᖑᔪᖅ) ᑕᕝᕙᓂ Uit-ᒥᑦ ᐅᑭᐅᖅᑕᖅᑐᕐᒥᑦ ᐃᓕᓐᓂᐊᕐᕕᒡᔪᐊᖅ ᓄᐊᕙᐃᒥᑦ ᐊᒻᒪ ᐃᓕᓐᓂᐊᕐᕕᒡᔪᐊᖅ ᓵᔅᑲᑑᓐᒥᑦ (ᑲᑎᓐᖓᔪᖅ ᐱᓕᕆᐊᒃᓴᑦ). ᐊᓚᐃᓇ ᐱᔪᒪᓂᖃᖅᐳᖅ ᐃᑲᔪᖅᓱᐃᓗᓂ ᐃᓄᖕᓂᑦ ᐃᓅᓱᒃᑐᓂᑦ ᐃᒻᒥᖕᓂᑦ ᓴᕿᑦᑐᓐᓇᕐᓂᕐᒥᑦ, ᐃᖅᑲᓇᐃᔮᓂᑦ ᐱᓇᓱᐊᕐᓂᕐᒥᑦ ᐊᒻᒪ ᓄᓇᓕᖕᓂᑦ ᓈᒻᒪᓐᖏᓕᐅᑎᓂᒃ ᐋᖅᑭᒃᓱᐃᓂᕐᒥᑦ ᐊᑐᕐᓗᑎᒃ ᖃᕆᓴᐅᔭᓕᕆᔪᓐᓇᕐᓂᕐᒥᑦ ᐊᒻᒪ ᐱᔪᓐᓇᕐᓂᖃᕐᓗᑎᒃ ᐊᑐᕐᓗᑎᒃ ᖃᕆᓴᐅᔭᓂᑦ ᐅᓂᒃᑳᖅᑐᐊᕐᓂᕐᓂᑦ, ᐃᓅᖂᔨᔪᑎᒍᑦ ᐅᕝᕙᓘᓐᓃᑦ ᐊᑐᐊᒐᕐᓂᑦ ᐃᓚᐅᓂᕐᓂᑦ.
ᑲᐃᑦᓚᓐ (ᔅᑖ) ᒪᒃᓚᐃᓐ ᓴᓪᓕᕐᒥᐅᑕᖅ ᐃᓕᓐᓂᐊᖅᑐᖅ ᖁᑦᑎᖕᓂᖅᓴᒥᑦ ᐃᓕᓐᓂᐊᕐᓂᕐᒥᑦ ᐊᑐᐊᒐᕐᓂᑦ ᑕᐃᑲᓂ ᐋᓪᐴᑕᒥᑦ. ᑲᐃᑦᓚᓐ ᐸᕐᓇᒃᓯᒪᕗᖅ ᐅᑎᕐᓗᓂ ᓄᓇᕘᒧᑦ ᐃᖅᑲᓇᐃᔭᕐᓗᓂᓗ ᐃᓕᓐᓂᐊᕐᓂᕐᒥᑦ ᐊᑐᐊᒐᕐᓂᑦ ᐃᑲᔪᕐᓗᓂ ᐋᖅᑭᒃᑎᕆᓂᕐᒥᑦ ᐃᓕᓐᓂᐊᒐᒃᓴᓂᑦ ᐊᒻᒪᓗ ᐋᖅᑭᒃᑕᐅᓯᒪᔪᓂᑦ ᐊᒃᑐᐃᔪᓂᑦ ᐃᓄᐃᑦ ᖃᐅᔨᒪᓂᕆᔭᖏᓐᓂᑦ, ᐊᒻᒪ ᐱᒻᒪᕆᐅᓂᕆᔭᖏᓐᓂᑦ.
ᒫᓯᐊ ᐊᖓᓕᒃ ᐊᕐᕕᐊᕐᒥᐅᑕᖅ ᐃᓕᓐᓂᐊᖅᑐᖅ ᐃᓕᓴᐃᔨᒃᓴᐅᓂᕐᒧᑦ ᓄᓇᕘᒥᑦ ᐃᓕᓴᐃᔨᒃᓴᐅᓂᕐᒧᑦ ᐃᓕᓐᓂᐊᕐᓂᖅ ᑕᐃᑲᓂ ᓄᓇᕗᑦ ᓯᓚᑦᑐᖅᓴᕐᕕᐊᓂᑦ. ᒫᓯᐊ ᐃᓅᓗᓂ ᐃᓕᓴᐃᔨᓐᖑᕈᒪᔪᖅ ᐃᑲᔪᕐᓂᐊᕐᓗᓂ ᑭᖑᕚᖑᓂᐊᖅᑐᓂᒃ ᓄᓇᕗᒻᒥᐅᓂᒃ ᐱᕈᖅᑎᑦᑎᓂᕐᒥᑦ ᖁᓱᖏᓐᓂᕐᒥᑦ, ᖃᐅᔨᒪᓂᕐᒥᑦ, ᐊᒻᒪ ᐱᖅᑯᓯᖏᓐᓂᑦ ᐅᐱᒍᓱᖕᓂᕐᒥᑦ.
ᒪᐃᒐᓐ ᕿᓚᕝᕙᖅ ᐸᖕᓂᖅᑑᕐᒥᐅᑕᐅᔪᖅ ᐃᓕᓐᓂᐊᖅᑐᖅ ᓇᓄᓇᐃᒃᑯᑕᖅᑖᕐᓗᓂ ᐊᕙᑎᓕᕆᓂᕐᒧᑦ ᖃᕆᓴᐅᔭᓕᕆᓂᕐᒥᑦ ᓄᓇᕗᑦ ᓯᓚᑦᑐᖅᓴᕐᕕᖓᓂᑦ. ᒪᐃᒐᓐ ᑐᕌᒐᕆᔭᖓ ᐃᑲᔪᖅᑐᐃᓗᓂ ᒪᑭᒪᐃᓐᓇᕈᑎᓄᑦ, ᐊᕙᑎᒥᒃ ᐱᐅᖅᓱᐊᕐᓂᕐᒥᑦ, ᐊᒻᒪᓗ ᓄᓇᓖᑦ ᓴᐱᓕᖅᓴᕋᐃᖏᓐᓂᖏᓐᓂᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᓯᖏᓐᓄᓪᓗ ᐊᕙᑎᒧᑦ ᐊᑲᐅᙱᓕᐅᕈᑕᐅᔪᓄᑦ ᓄᓇᕗᒻᒥ.
“ᖁᔭᓕᓂᕋ ᓇᓗᓇᐃᕈᒪᕙᕋ ᑖᒃᑯᓄᖓ ᒧᐊᕐ ᐃᓚᖏᓐᓄᑦ ᐊᒻᒪ Ampere−ᑯᓐᓄᑦ ᓴᖅᑭᑦᑎᓚᐅᕐᒪᑕ ᐃᑲᔫᑎᒃᓴᓂᑦ ᐃᓕᓐᓂᐊᖅᑐᓄᑦ ᐅᐱᒋᓪᓗᒍ ᑕᓂᐅᓪ ᒧᐊᕐ ᐊᑐᕐᓂᕆᓯᒪᔭᖓ. ᐊᖏᖅᓯᒪᑦᑎᐊᖅᐳᖓ ᐱᐅᔪᒥᑦ ᐊᒃᑐᐃᓂᐊᕐᒪᑦ ᓄᓇᕗᒻᒧᑦ, ᐊᒻᒪ ᑖᓐᓇ ᐃᑲᔫᑎ ᐱᒻᒪᕆᐅᓂᐊᖅᑐᖅ ᐃᑲᔪᕐᓂᖅ ᐅᕙᓐᓂᒃ ᐊᓂᒍᐃᓂᕐᒥᑦ ᐃᓕᓐᓂᐊᖅᑕᓐᓂᒃ ᐊᒻᒪ ᐃᖅᑲᓇᐃᔮᓄᑦ ᑐᕌᖅᑐᑦ.” ᐅᖃᖅᑐᖅ ᒪᐃᒐᓐ ᕿᓚᕝᕙᖅ.
ᑕᑕᑎᕆᐊᓖᑦ ᐊᕐᕌᒍᒧᑦ 2025−ᒧᑦ ᐃᓕᓐᓂᐊᖅᑐᓄᑦ ᐃᑲᔫᑏᑦ ᓇᓗᓇᐃᖅᑕᐅᓛᖅᑐᖅ ᐊᕐᕌᒍ 2026 ᐱᒋᐊᕐᓂᐊᓂᑦ. ᓱᓕᒃᑲᓐᓂᖅ ᑐᑭᓯᒋᐊᕈᑏᑦ ᐊᑐᐃᓐᓇᐅᔪᑦ ᐅᕙᓂ ᑕᓂᐅᓪ ᒧᐊᕐ ᐃᑲᔫᑖᓂᑦ ᐃᓕᓐᓂᐊᖅᑐᓄᑦ ᒪᑉᐱᒐᖅ
ᖃᐅᔨᒋᐊᕐᕕᒃᓴᖅ
ᕌᐸᓐ ᔭᐃᒻᔅ
ᐊᖓᔪᖅᑳᖅ ᓂᐅᕐᕈᑎᖃᕋᓱᖕᓂᕐᒧᑦ
robyn.j@amp.ca