ᓕᓐᓯ, ᐋᓐᑎᐅᕆᐅ, 15/09/2025 – ᒪᕐᕉᒃ ᑲᓇᑕᒥ ᓯᕗᓕᖅᑎᐅᔫᒃ ᑮᓇᐅᔭᓕᐅᕋᓱᐊᖅᑎᐅᖏᑦᑑᒃ, ᑲᓇᑕᒥ ᐃᓕᓐᓂᐊᕐᓂᕐᒧᑦ ᖃᕆᓴᐅᔭᓂᑦ ᐊᑐᖅᑕᐅᓂᐅᓂᐊᖅᑐᓂᑦ ᐊᒻᒪᓗ Ampere−ᑯᒃ (ᐱᓐᒍᐊᖅ ᑲᑐᔾᔨᖃᑎᒌᖑᓚᐅᖅᑐᖅ), ᑲᑐᔾᔨᓪᓗᑎᒃ ᐊᖏᒡᓕᒋᐊᖅᑎᑦᑎᓇᓱᒃᖢᑎᒃ ᐱᕕᒃᓴᐅᔪᓂᒃ ᐃᓄᖕᓄᑦ ᖃᓄᑐᐃᓐᓇᖅ ᐅᑭᐅᖃᖅᑐᓄᑦ ᐱᕈᖅᐸᓪᓕᐊᔪᓐᓇᖁᓪᓗᒋᑦ ᐅᓪᓗᒥ ᖃᕆᓴᐅᔭᒃᑯᑦ ᓄᓇᕐᔪᐊᕐᒥ. ᑖᒃᑯᑎᒎᓇᖅ ᑲᑎᑕᐅᓂᒃᑯᑦ ᑖᒃᑯᐊ ᒪᕐᕉᒃ ᑎᒥᐅᔫᒃ ᑲᑎᑎᕆᕗᑦ ᓴᓐᖏᓂᕆᔭᒥᓂᒃ ᓄᑖᓂᒃ ᐊᑐᕈᓐᓇᖁᓪᓗᒋᑦ ᐃᓕᓐᓂᐊᖅᑎᑦᑎᓗᑎᓪᓗ ᐋᖅᑭᒃᓱᐃᖃᑎᒌᓪᓗᑎᓪᓗ ᓄᓇᓕᖕᓂᑦ ᖃᕆᓴᐅᔭᒃᑯᑦ ᐅᖃᓕᒫᕆᐅᖅᓴᓂᖅ ᐊᑐᐃᓐᓇᐅᖁᓪᓗᒍ ᑭᒃᑯᓕᒫᓄᑦ.
Ampere−ᑯᑦ, ᑮᓇᐅᔭᓕᐅᕋᓱᐊᖅᑎᐅᙱᑦᑐᖅ ᐱᓕᕆᖃᑎᖃᖅᐸᒃᑐᖅ ᓄᓇᓕᕋᓛᖑᓂᖅᓴᓂᒃ, ᐅᖓᓯᒋᔭᐅᔪᓂᑦ, ᐊᒻᒪᓗ ᐃᓄᐃᑦ ᓄᓇᓕᖏᓐᓂᒃ, ᖃᐅᔨᒪᔭᐅᔪᖅ ᓴᖅᑭᑦᑎᖃᑦᑕᕐᓂᖏᓐᓄᑦ ᐱᕕᒃᓴᐅᔪᓂᒃ ᓴᙱᒃᑎᒋᐊᖅᑎᑦᑎᔪᓂᒃ ᐊᒻᒪᓗ ᐱᕈᖅᓴᐃᔪᓂᒃ ᐊᑑᑎᖃᖅᑐᓂᒃ STEAM−ᖑᔪᒥᑦ (ᖃᐅᔨᓴᕐᓂᖅ, ᓄᑖᖑᖅᐸᓪᓕᐊᔪᑦ, ᓴᓇᔨᐅᓂᖅ, ᓴᓇᐅᒐᓕᕆᓂᖅ, ᐊᒻᒪᓗ ᓈᓴᐅᓯᕆᓂᖅ) ᐊᔪᙱᓐᓂᐅᔪᓂᒃ. ᑲᓇᑕᒥ ᐃᓕᓐᓂᐊᕐᓂᕐᒧᑦ ᖃᕆᓴᐅᔭᓄᑦ ᐊᑐᖅᑕᐅᓂᐅᓂᐊᖅᑐᓂᑦ (CLC), ᑲᓇᑕᒥ ᓯᕗᓕᖅᑎᐅᓪᓗᓂ ᑲᓇᑕᓕᒫᒥ ᑐᓂᕐᕈᓯᐊᖅᑎᑦᑎᔨᐅᓪᓗᓂ ᖃᕆᓴᐅᔭᒃᑯᑦ ᐅᖃᓕᒫᕆᐅᖅᓴᓂᕐᒧᑦ ᐃᓕᓐᓂᐊᖅᑎᑦᑎᓂᕐᒥᒃ, ᑐᓂᓯᕙᒃᐳᖅ ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑦᑎᓂᕐᒥᒃ ᐊᒻᒪ ᐃᖅᑲᓇᐃᔮᒃᓴᓄᑦ ᐱᕙᓪᓕᐊᑎᑦᑎᓂᕐᒥᒃ ᐱᓕᕆᐊᓂᒃ ᐃᓄᖕᓄᑦ ᑭᒡᒐᖅᑐᖅᑕᐅᙱᓗᐊᖅᑐᓄᑦ ᖃᕆᓴᐅᔭᒃᑯᑦ — ᓴᙱᔪᒥᒃ ᐱᒻᒪᕆᐅᑎᑦᑎᓪᓗᑎᒃ ᐊᕐᓇᐃᑦ ᐊᖑᑏᓪᓗ ᐊᔾᔨᒌᒃᑎᑕᐅᓂᖏᓐᓂᒃ, ᓄᑖᓂᒃ ᑎᑭᑉᐸᓪᓕᐊᔪᓂᒃ, ᐊᒻᒪ ᓄᓇᖃᖅᑳᖅᓯᒪᔪᓂᒃ ᐊᒻᒪ ᑭᒃᑯᑐᐃᓐᓇᕐᓄᑦ ᓄᓇᓕᐅᔪᓂᒃ. ᑲᑐᔾᔨᓗᑎᒃ ᑲᑐᔾᔨᖃᑎᒌᑦ ᐊᔭᐅᖅᑐᐃᔨᐅᓂᐊᖅᐳᑦ STEAM−ᒧᑦ ᐃᓕᓐᓂᐊᕐᓂᕐᒥᒃ, ᐊᑐᐃᓐᓇᖃᕐᓂᕐᒥᒃ ᓄᑖᓂᒃ ᓴᓇᕐᕈᑎᓂᒃ, ᐊᒻᒪ ᓄᑖᓂᒃ ᐊᖅᑯᑎᒃᓴᓂᒃ ᐃᖅᑲᓇᐃᔮᒃᓴᓄᑦ.
ᑲᑐᔾᔨᖃᑎᒌᓐᓂᒃᑯᑦ ᓴᓇᔭᐅᓯᒪᔪᖅ ᐊᕐᕌᒍᒐᓴᖕᓄᑦ ᑲᑐᔾᔨᖃᑎᒌᖕᓂᒃᑯᑦ, Ampere−ᑯᑦ ᐊᒻᒪ ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑯᓂᐅᔪᖅ ᖃᕆᓴᐅᔭᓄᑦ ᐊᑐᖅᑕᐅᓂᐅᓂᐊᖅᑐᓂᑦ ᑲᑐᔾᔨᖃᑎᒌᒃᓯᒪᓕᖅᐳᑦ ᑕᐃᒪᙵᓂ ᐱᒋᐊᓕᓵᖅᑎᓪᓗᒋᑦ.
- 2018 - Ampere−ᒃᑯᑦᐱᓐᖑᐊᖅ ᑲᑐᔾᔨᖃᑎᒌᖑᓪᓗᑎᒃ, ᐅᒃᑯᐃᕐᓯᓚᐅᕐᑐᑦ ᓯᕗᓪᓕᕐᒥ Makerspace-ᒥᒃ ᐃᖃᓗᖕᓂ, ᓄᓇᕗᒻᒥ. ᑲᓇᑕᒥ ᐃᓕᓐᓂᐊᕐᓂᕐᒧᑦ ᖃᕆᓴᐅᔭᓄᑦ ᐊᑐᖅᑕᐅᓂᐅᓂᐊᖅᑐᓂᑦ ᐃᖅᑲᓇᐃᔭᖅᑎᑦ ᐊᐅᓚᑦᑎᓚᐅᖅᐳᑦ ᐱᓕᕆᐊᒃᓴᓂᒃ ᐊᒻᒪ ᐃᑲᔪᓚᐅᖅᐳᑦ ᐃᓕᓐᓂᐊᖅᑎᑦᑎᓂᕐᒥᒃ ᓄᓇᓕᖕᓂ ᐃᖅᑲᓇᐃᔭᖅᑎᖃᕆᓴᐅᔭᖃᕐᕕᖕᓂᑦᓂᒃ ᓯᕗᓪᓕᖅᐹᓂ ᐱᓇᓱᐊᕈᓯᕐᓂ
- 2019 - Ampere−ᑯᑦ, ᐱᓐᖑᐊᖅ ᑲᑐᔾᔨᖃᑎᒌᖑᓪᓗᑎᒃ, ᑐᓐᖓᓱᒃᑎᑦᑎᓚᐅᖅᑐᑦ “Grow With Google−ᒥᑦ” ᑲᑐᔾᔨᖃᑎᒋᓪᓗᒋᑦ ᐊᒻᒪGoogle−ᒥᑦ ᑲᓇᑕᒥ ᐃᓕᓐᓂᐊᕐᓂᕐᒧᑦ ᖃᕆᓴᐅᔭᓄᑦ ᐊᑐᖅᑕᐅᓂᐅᓂᐊᖅᑐᓂᑦ ᐃᖃᓗᖕᓂ.
- 2021 Ampere-ᑯᑦ ᓴᖅᑭᑦᑎᔪᑦ “ᑖᓂᐅᓪ ᒧᐊᕐ ᐃᓕᓐᓂᐊᕐᓂᕐᒧᑦ ᐃᑲᔫᑎᒥᒃ” ᐃᖅᑲᐅᒪᔭᐅᖁᓪᓗᒍ ᐃᖅᑲᓇᐃᔭᖃᑎᒋᓚᐅᖅᑕᖓ ᑕᒪᐃᓐᓄᑦ CLC-ᑯᓐᓂ ᐊᒻᒪᓗ ᐱᓐᖑᐊᒃᑯᓐᓂᑦ, ᑖᓂᐅᓪ ᒧᐊᕐ. ᑖᓐᓇ ᐃᓕᓐᓂᐊᕈᑎᒃᓴᖅ ᑐᕌᖓᔪᖅ ᓄᓇᕗᒻᒥᐅᓄᑦ ᐃᓯᖅᐸᓪᓕᐊᔪᓄᑦ STEAM-ᒧᑦ ᐅᕝᕙᓘᓐᓃᑦ ᐃᓕᓴᐃᔨᐅᓂᕐᒧᑦ ᐃᓕᓐᓂᐊᕐᕕᐊᓗᖕᒥ. 15,000 ᐅᖓᑖᓂ ᑐᓂᔭᐅᓯᒪᓕᖅᑐᑦ ᑕᐃᒪᓐᖓᑦ ᓴᖅᑭᑕᐅᓚᐅᖅᓯᒪᖕᒪᑦ.
- 2023 - ᐊᑐᓕᖅᑎᑦᑎᕗᖅ ᒥᑭᓛᓂᒃ ᖁᑦᑎᖕᓂᓕᖕᓄᑦ 12-ᓄᑦ ᖃᕆᓴᐅᔭᓕᕆᓂᕐᒧᑦ ᐃᓕᓐᓂᐊᕈᑎᒃᓴᓂᒃ ᐋᖅᑭᒃᓯᒪᓂᖏᓐᓂᒃ ᑲᓇᑕᒥ ᐃᓕᓐᓂᐊᕐᓂᕐᒧᑦ ᒪᓕᒐᕐᓂᒃ. ᒥᑭᓛᓂᒃ ᖁᑦᑎᖕᓂᓕᖕᓄᑦ 12-ᒧᑦ ᐋᖅᑭᒃᓯᒪᓂᖓ ᐱᑕᖃᖅᑎᑦᑎᕗᖅ ᑐᑭᒧᐊᒍᑎᒃᓴᓂᒃ ᑐᙵᕕᐅᔪᓂᒃ ᐊᒻᒪᓗ ᓇᓗᓇᐃᔭᐃᓂᕐᒥᒃ ᐱᕙᓪᓕᐊᑎᑦᑎᓂᕐᒧᑦ ᖃᕆᓴᐅᔭᓕᕆᓂᕐᒧᑦ ᐃᓕᓐᓂᐊᕈᑎᒃᓴᓂᒃ ᑲᓇᑕᓕᒫᒥ
“Ampere−ᑯᑦ ᐊᒻᒪ ᑲᓇᑕᒥ ᐃᓕᓐᓂᐊᕐᓂᕐᒧᑦ ᖃᕆᓴᐅᔭᓄᑦ ᐊᑐᖅᑕᐅᓂᐅᓂᐊᖅᑐᓂᑦ ᑲᑎᙵᓯᒪᕗᑦ ᐱᒋᐊᕐᓂᖓᓂᑦ. ᐊᑐᓂ ᑎᒥᓐᖑᖅᑎᑕᐅᓚᐅᖅᐳᒍᒃ ᑕᖅᑭᖅ ᐊᑕᐅᓯᖅ ᐊᔾᔨᒌᙱᓐᓂᖃᖅᖢᑕ, ᐱᕈᖅᐸᓪᓕᐊᓪᓗᑕ ᓴᓂᓕᕇᒃᖢᑕ, ᐊᒻᒪ ᐃᑲᔪᖅᑎᒌᒃᖢᑕ ᐱᖃᓐᓇᕆᔭᐅᓪᓗᑕ ᐊᒻᒪ ᐃᑲᔪᖅᑎᒌᒃᖢᑕ ᐊᖅᑯᑎᒥ.” ᐅᖃᖅᑐᖅ ᕋᐃᐊᓐ ᐆᓕᕗ, ᐊᖓᔪᖅᑳᖅ Ampere-ᑯᓐᓄᑦᑦ. ᑖᓐᓇ ᑲᑎᑕᐅᓂᐅᔪᖅ ᑲᑐᔾᔨᖃᑎᒌᓐᓂᑐᐃᓐᓇᐅᖏᑦᑐᖅ, ᑲᑎᓐᓂᐅᖕᒪᑦ ᐊᒻᒪᓗ ᓈᒻᒪᓈᖅᓯᒪᓪᓗᓂ ᑲᑎᑎᕆᒃᑲᓐᓂᕈᑕᐅᓪᓗᓂ ᐅᕙᑦᑎᓐᓄᑦ ᐱᒃᑲᓐᓂᕈᓐᓇᖁᓪᓗᑕ”.
ᐃᓚᒋᓪᓗᓂᐅᒃ ᑲᑎᑕᐅᓂᖏᓐᓄᑦ, ᒥᓕᓴ ᓴᕆᕘᑏᓐ ᓄᖅᑲᖅᓯᒪᓕᖅᑐᖅ ᐊᖓᔪᖅᑳᖑᓂᕐᒥᓂᒃ ᑲᓇᑕᒥ ᐃᓕᓐᓂᐊᕐᓂᕐᒧᑦ ᖃᕆᓴᐅᔭᓄᑦ ᐊᑐᖅᑕᐅᓂᐅᓂᐊᖅᑐᓂᑦ ᐊᒻᒪᓗ ᕋᐃᐊᓐ ᐆᓕᕗ ᑎᒃᑯᐊᖅᑕᐅᓯᒪᓕᖅᑐᖅ ᓄᑖᖑᓪᓗᓂ ᐊᖓᔪᖅᑳᖑᓂᕐᒧᑦ. CLC-ᑯᑦ ᐱᓕᕆᐊᖏᑦ ᐊᒻᒪᓗ ᑲᑐᔾᔨᖃᑎᒌᖕᓂᖏᑦ ᑲᔪᓯᓂᐊᖅᑐᑦ ᓄᖅᑲᖓᑎᑕᐅᙱᓪᓗᑎᒃ, ᓇᓗᓇᐃᖅᓯᓗᑎᒃ ᑲᔪᓯᑦᑎᐊᖅᑐᒥᒃ ᓄᒃᑎᕆᓂᕐᒥᒃ ᐊᒻᒪᓗ ᑲᔪᓯᔪᒃᑯᑦ ᐃᑲᔪᖅᓱᐃᓂᕐᒥᒃ ᐃᓕᓐᓂᐊᖅᑎᓄᑦ ᐊᒻᒪᓗ ᓄᓇᓕᖕᓄᑦ.
“ᖁᕕᐊᓱᒃᐳᒍᑦ Ampere-ᑯᑦ ᑲᔪᓯᑎᑦᑎᔪᓐᓇᕐᒪᑦ ᐱᓕᕆᐊᖑᔪᒥᒃ ᑲᓇᑕᒥ ᐃᓕᓐᓂᐊᕐᓂᕐᒧᑦ ᖃᕆᓴᐅᔭᓄᑦ ᐊᑐᖅᑕᐅᓂᐅᓂᐊᖅᑐᓂᑦ", ᐅᖃᖅᑐᖅ ᒥᓕᓴ ᓴᕆᕘᑎᓐ, ᐊᖓᔪᖅᑳᖑᓚᐅᖅᑐᖅ ᑲᓇᑕᒥ ᐃᓕᓐᓂᐊᕐᓂᕐᒧᑦ ᒪᓕᒐᕐᒧᑦ. “ᓇᓗᓇᐃᖅᑕᐅᓯᒪᔪᖅ ᖃᐅᔨᒪᓂᖏᑦ ᐊᒻᒪᓗ ᑲᑐᔾᔨᓪᓗᑎᒃ ᐊᖏᖅᓯᒪᓂᖏᑦ ᓴᖅᑭᑦᑎᓂᕐᒥᒃ ᐊᑐᐃᓐᓇᖃᕐᓂᕐᒥᒃ ᐊᒻᒪᓗ ᐱᔪᓐᓇᕐᓂᖅᑖᖅᑎᑦᑎᓂᕐᒥᒃ ᓄᑖᓂᒃ ᐊᑐᕈᑎᒃᓴᓂᒃ ᐊᔾᔨᒌᒃᑎᑦᑎᓂᕐᒧᑦ ᐱᔭᕆᐊᖃᖅᑐᓄᑦ ᑲᑐᔾᔨᖃᑎᒌᓄᑦ ᑕᐃᒪᐃᑎᑦᑎᕗᑦ ᐱᓕᕆᖃᑎᒋᑦᑎᐊᕈᓐᓇᖅᑕᑦᑎᓐᓂᒃ ᐱᕈᖅᐸᓪᓕᐊᑎᑦᑎᓂᕐᒧᑦ ᐊᒃᑐᐃᓂᕆᔭᑦᑎᓐᓂᒃ ᐊᒻᒪᓗ ᐸᕐᓇᐃᓂᕐᒧᑦ ᐃᓕᓐᓂᐊᖅᑎᓂᒃ ᓯᕗᓂᒃᓴᒧᑦ.”
ᒪᓕᒍᒪᒍᕕᑦ ᐃᖏᕐᕋᓂᕆᔭᖓᓂᒃ Ampere-ᑯᑦ ᐊᒻᒪᓗ ᑲᓇᑕᒥ ᐃᓕᓐᓂᐊᕐᓂᕐᒧᑦ ᖃᕆᓴᐅᔭᓄᑦ ᐊᑐᖅᑕᐅᓂᐅᓂᐊᖅᑑᑉ, ᑲᑎᓯᒪᐃᓐᓇᕆᑦ Ampere−ᑯᑦ ᑐᓴᐅᒪᖃᑦᑕᐅᑎᕝᕕᐊᒍᑦ Facebook−ᑯᑦ, Instagram−ᑯᑦ, ᐊᒻᒪᓗ Linkedin−ᑯᑦ @AmpereCanada ᐅᕝᕙᓘᓐᓃᑦ ᑎᑎᕋᖃᑕᐅᓗᑎᑦ Ampere−ᑯᑦ ᑐᓴᒐᒃᓴᖁᑎᖓᓄᑦ..
Ampere−ᑯᑦ ᒥᒃᓵᓄᑦ:
ᐊᕐᕌᒍᑦ ᖁᓕᑦ ᐅᖓᑖᓄᑦ, Ampere (ᐱᓐᖑᐊᖅ ᑲᑐᔾᔨᖃᑎᒌᖑᓚᐅᖅᑐᖅ) ᐱᓕᕆᖃᑎᖃᖅᓯᒪᕗᖅ ᓄᓇᓕᕋᓛᖑᓂᖅᓴᓂᒃ, ᐅᖓᓯᒋᔭᐅᔪᒦᑦᑐᓂᒃ ᐊᒻᒪ ᐃᓄᐃᑦ ᓄᓇᓕᖏᓐᓂᒃ ᐊᑐᐃᓐᓇᖃᖅᑎᑦᑎᓇᓱᒃᖢᑎᒃ ᖃᐅᔨᓴᖅᑐᓕᕆᕐᓂᕐᒧᑦ, ᖃᕆᓴᐅᔭᓕᕆᓂᕐᒧᑦ, ᓴᓇᔨᐅᓂᕐᒧᑦ, ᓴᓇᙳᐊᕐᓂᕐᒧᑦ ᐊᒻᒪ ᓈᓴᐅᓯᕆᓂᕐᒧᑦ (STEAM) ᐃᓕᓐᓂᐊᕈᑎᒃᓴᓂᒃ ᐊᒻᒪ ᐱᕕᒃᓴᓂᒃ. ᓴᖅᑭᑕᐅᓚᐅᖅᑐᖅ ᐸᖕᓂᖅᑑᒥ, ᓄᓇᕗᒻᒥ, Ampere-ᑯᑦ ᐊᑐᖃᑦᑕᖅᑐᖅ ᐃᓅᓯᕐᒧᑦ ᑐᕌᖓᔪᒥᒃ ᖃᐅᔨᒪᑦᑎᐊᖁᓪᓗᒋᑦ ᐃᑲᔪᖅᑐᐃᓂᖏᑦ ᐃᓕᓐᓂᐊᖅᑎᓂᒃ ᖃᓄᑐᐃᓐᓇᖅ ᐅᑭᐅᖃᕋᓗᐊᖅᑎᓪᓗᒋᑦ, ᐊᒻᒪᓗ ᖃᓄᑐᐃᓐᓇᖅ ᐃᓅᓯᕐᒥ. Ampere-ᑯᑦ ᐃᓕᓐᓂᐊᕈᑎᒃᓴᓂᒃ ᑐᓂᓯᖃᑦᑕᖅᑐᑦ ᑐᕌᑲᐅᑎᒋᔪᒃᑯᑦ ᖃᕆᓴᐅᔭᖃᕐᕕᐅᔪᓄᑦ ᐊᒻᒪᓗ ᐊᔪᕈᓐᓃᖅᓴᓂᕐᒧᑦ ᑐᑦᑕᕐᕕᒃᑯᑦ ᐃᖃᓗᖕᓂ, ᓄᓇᕗᒻᒥ, ᕿᖓᐅᒥ, ᓂᐅ ᐳᕋᓐᓱᐃᒃᒥ, ᐊᒻᒪᓗ ᑲᖏᖅᖠᓂᕐᒥ, ᐋᓐᑎᐅᕆᐅᒥ, ᐊᒻᒪᓗ ᐱᓕᕆᖃᑎᖃᖃᑦᑕᖅᖢᑎᒃ ᓄᓇᓕᖕᓂ ᐱᓕᕆᖃᑎᒋᔭᒥᓂᒃ, ᐃᓅᓯᓕᕆᓂᕐᒧᑦ ᑲᑐᔾᔨᖃᑎᒌᓂᒃ, ᒐᕙᒪᒃᑯᑦ ᑮᓇᐅᔭᖃᖅᑎᑦᑎᔨᖏᓐᓂᒃ ᐊᒻᒪᓗ ᐃᓕᓐᓂᐊᕐᕕᖕᓂᒃ ᓯᔾᔭᒥ ᓯᔾᔭᒧᑦ.
ᑲᓇᑕᒥ ᐃᓕᓐᓂᐊᕐᓂᕐᒧᑦ ᒪᓕᒐᐅᑉ ᒥᒃᓵᓄᑦ
Canada Learning Code ᑲᓇᑕᒥ ᓯᕗᓕᖅᑎᐅᕗᖅ ᑲᓇᑕᓕᒫᒥ ᑐᓂᕐᕈᓯᐊᖅᑎᑦᑎᔨᐅᓪᓗᓂ ᖃᕆᓴᐅᔭᒃᑯᑦ ᐅᖃᓕᒫᕆᐅᖅᓴᓂᕐᒧᑦ ᐃᓕᓐᓂᐊᖅᑎᑦᑎᓂᕐᒥᒃ ᑭᒃᑯᓕᒫᓄᑦ. ᑲᓇᑕᒥ ᐃᓕᓐᓂᐊᕐᓂᕐᒧᑦ ᒪᓕᒐᖅ ᓴᖅᑭᑦᑎᕗᖅ ᐊᑐᐃᓐᓇᐅᔪᓂᒃ ᖃᕆᓴᐅᔭᓕᕆᓂᕐᒥᒃ ᓄᓇᓕᖕᓄᑦ ᓄᓇᕐᔪᐊᓕᒫᒥ ᐱᓕᕆᖃᑎᖃᕐᓂᒃᑯᑦ ᐃᓕᓴᐃᔨᓂᒃ, ᐋᖅᑭᒃᓱᐃᓂᒃᑯᑦ ᐊᑐᖅᑕᐅᔪᓐᓇᖅᑐᓂᒃ ᐊᒻᒪᓗ ᑐᓂᓯᓂᒃᑯᑦ ᐃᓕᓐᓂᐊᕈᑎᒃᓴᓂᒃ, ᑕᐃᒪᐃᒻᒪᑦ ᑭᒃᑯᓕᒫᑦ ᓴᓇᔪᓐᓇᖅᐳᑦ ᖃᕆᓴᐅᔭᓂᒃ ᐊᑐᕐᓗᑎᒃ.